സൗദി അറേബ്യയിൽ ഇന്ന് 138 പേർക്ക് കൊവിഡ്; ഏഴ് മരണം

രാജ്യത്ത് ഇന്ന് 48,141 ആർ.ടി പി.സി.ആർ പരിശോധനകൾ നടന്നു. ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കൊവിഡ് കേസുകളുടെ എണ്ണം 5,45,123 ആയി. ഇതിൽ 5,33,843 പേർ രോഗമുക്തരായി.

റിയാദ്: സൗദി അറേബ്യയിൽ പുതിയതായി 138 പേർക്ക് കൂടി കൊവിഡ് സ്ഥിരീകരിച്ചതായി സൗദി ആരോഗ്യ മന്ത്രാലയം വാർത്താക്കുറിപ്പിൽ അറിയിച്ചു. നിലവിൽ രോഗബാധിതരായി നിരീക്ഷണത്തിലുള്ളവരിൽ 211 പേർ സുഖം പ്രാപിച്ചു. കഴിഞ്ഞ 24 മണിക്കൂറിനിടെ ഏഴുപേർ കൂടി മരിച്ചു. 

രാജ്യത്ത് ഇന്ന് 48,141 ആർ.ടി പി.സി.ആർ പരിശോധനകൾ നടന്നു. ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കൊവിഡ് കേസുകളുടെ എണ്ണം 5,45,123 ആയി. ഇതിൽ 5,33,843 പേർ രോഗമുക്തരായി. ആകെ മരണസംഖ്യ 8,572 ആയി ഉയർന്നു. കൊവിഡ് ബാധിച്ച് രാജ്യത്ത് വിവിധ ഭാഗങ്ങളിലായി നിരീക്ഷണത്തിൽ കഴിയുന്നവരുടെ എണ്ണം 2,708 ആയി കുറഞ്ഞു. ഇതിൽ 750 പേരുടെ നില ഗുരുതരമാണ്. ബാക്കിയുള്ളവരുടെ ആരോഗ്യനില തൃപ്തികരമാണ്. 

രാജ്യത്തെ കൊവിഡ് മുക്തി നിരക്ക് 97.9 ശതമാനവും മരണനിരക്ക് 1.6 ശതമാനവുമായി തുടരുന്നു. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 43, മക്ക 25, കിഴക്കൻ പ്രവിശ്യ 14, മദീന 10, ജീസാൻ 10, അസീർ 9, അൽഖസീം 7, നജ്റാൻ 5, തബൂക്ക് 4, ഹായിൽ 4, വടക്കൻ അതിർത്തി മേഖല 3, അൽജൗഫ് 2, അൽബാഹ 2. രാജ്യത്താകെ പ്രതിരോധ കുത്തിവെപ്പ് 37,740,661 ഡോസ് ആയി.