വിദേശ ഉംറ തീര്ത്ഥാടകരുടെ വരവ് സൗദി അറേബ്യ താല്ക്കാലികമായി നിര്ത്തിവെച്ചു
Synopsis
നിലവില് വിദേശത്തുനിന്നെത്തിയ 300ഓളം ഉംറ തീര്ഥാടകര് മക്കയിലുണ്ട്.
റിയാദ്: വിദേശ രാജ്യങ്ങളില് നിന്നുള്ള ഉംറ തീര്ത്ഥാടകരുടെ വരവ് താല്കാലികമായി നിര്ത്തിവെച്ചതായി ഹജ്ജ്, ഉംറ സൗദി ദേശീയ സമിതി അധ്യക്ഷന് മാസിന് ദറാര് അറിയിച്ചു. ജനിതക മാറ്റം സംഭവിച്ച കൊവിഡിനെതിരായ മുന്കരുതലായി അന്താരാഷ്ട്ര വിമാന സര്വിസുകള് നിര്ത്തിവെച്ച സാഹചര്യത്തിലാണ് ഇതെന്നും അദ്ദേഹം വ്യക്തമാക്കി. ഇനിയൊരു അറിയിപ്പുണ്ടാകുന്നതു വരെ വിലക്ക് തുടരും.
ഈയാഴ്ച ഉംറക്ക് വരാന് നിശ്ചയിച്ചിരുന്നവര്ക്ക് വിമാന സര്വിസ് പുനരാരംഭിച്ച ശേഷം വരാനാകുമെന്നും അതിനുള്ള നടപടികള് ഉംറ ഏജന്സികളുടെ സഹകരണത്തോടെ സ്വീകരിച്ചുവരികയാണെന്നും അദ്ദേഹം വ്യക്തമാക്കി. നിലവില് വിദേശത്തുനിന്നെത്തിയ 300ഓളം ഉംറ തീര്ഥാടകര് മക്കയിലുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam