കുറയാതെ കൊവിഡ്; ബഹ്‌റൈനില്‍ റിപ്പോര്‍ട്ട് ചെയ്തത് ഇതുവരെയുള്ള ഏറ്റവും ഉയര്‍ന്ന പ്രതിദിന കേസുകള്‍

728 പേര്‍ കൂടി രോഗമുക്തിനേടി. നാല് മരണങ്ങളാണ് കൊവിഡ് ബാധിച്ച് ഇന്നലെ റിപ്പോര്‍ട്ട് ചെയ്തത്.

മനാമ: ബഹ്‌റൈനില്‍ ശനിയാഴ്ച റിപ്പോര്‍ട്ട് ചെയ്തത് ഇതുവരെയുള്ള ഏറ്റവും ഉയര്‍ന്ന പ്രതിദിന കൊവിഡ് കേസുകള്‍. 1,316 പേര്‍ക്കാണ് ഇന്നലെ കൊവിഡ് സ്ഥിരീകരിച്ചത്. ഒരു ദിവസം റിപ്പോര്‍ട്ട് ചെയ്യുന്ന ഉയര്‍ന്ന കൊവിഡ് കണക്കാണിത്.

 728 പേര്‍ കൂടി രോഗമുക്തിനേടി. നാല് മരണങ്ങളാണ് കൊവിഡ് ബാധിച്ച് ഇന്നലെ റിപ്പോര്‍ട്ട് ചെയ്തത്. രാജ്യത്ത് കൊവിഡ് ബാധിച്ച് മരിച്ചവരുടെ എണ്ണം 531 ആയി. പുതിയതായി റിപ്പോര്‍ട്ട് ചെയ്ത കൊവിഡ് കേസുകളില്‍ 321 പേര്‍ പ്രവാസി തൊഴിലാളികളാണ്. ബഹ്റൈനില്‍ ഇതുവരെ 1,47,770 പേര്‍ക്ക് കൊവിഡ് ബാധിച്ചിട്ടുണ്ട്. 1,37,555 പേരാണ് ആകെ രോഗമുക്തരായത്. നിലവില്‍ 9,684 കൊവിഡ് രോഗികളാണ് രാജ്യത്തുള്ളത്. 157 പര്‍ ആശുപത്രികളില്‍ ചികിത്സയിലാണ്. ഇവരില്‍  68 പേരുടെ നില ഗുരുതരമാണ്. 3,633,535 കാവിഡ് പരിശോധനകളും രാജ്യത്ത് നടത്തിയിട്ടുണ്ട്.