ഡാമില് കളഞ്ഞുപോയ പഴ്സ് ഉള്പ്പെടെയുള്ള സാധനങ്ങള് കണ്ടെത്തി തിരിച്ചേല്പ്പിച്ച് ദുബൈ പൊലീസ്
Synopsis
ഡാമിലെ റിസര്വോയറില് സാധനങ്ങള് നഷ്ടമായ വിവരം 999ല് വിളിച്ച് പൊലീസിനെ അറിയിക്കുകയായിരുന്നു. തുടര്ന്ന് മറൈന് റെസ്ക്യൂ പട്രോള് ടീമിനെ പൊലീസ് ഇവിടേക്ക് നിയോഗിച്ചു.
ദുബൈ: ഹത്ത ഡാമില് നഷ്ടമായ വിലപിടിപ്പുള്ള വസ്തുക്കള് കണ്ടെത്തി, വിനോദ സഞ്ചാരിയെ തിരിച്ചേല്പ്പിച്ച് ദുബൈ പൊലീസ്. ഡാമില് കയാക്കിങ് നടത്തുന്നതിനിടെയാണ് വിദേശിയുടെ തിരിച്ചറിയല് രേഖകളടങ്ങുന്ന പഴ്സ്, ക്രെഡിറ്റ് കാര്ഡുകള്, വാഹനത്തിന്റെ താക്കോല്, രണ്ട് ഫോണുകള് എന്നിവ നഷ്ടമായത്.
ഡാമിലെ റിസര്വോയറില് സാധനങ്ങള് നഷ്ടമായ വിവരം 999ല് വിളിച്ച് പൊലീസിനെ അറിയിക്കുകയായിരുന്നു. തുടര്ന്ന് മറൈന് റെസ്ക്യൂ പട്രോള് ടീമിനെ പൊലീസ് ഇവിടേക്ക് നിയോഗിച്ചു. സാധനങ്ങള് നഷ്ടമായ സ്ഥലം നിര്ണയിച്ച ശേഷം മുങ്ങല് വിദഗ്ധരുടെ സഹായത്തോടെ വിശദമായ തെരച്ചില് നടത്തുകയായിരുന്നു. കാലാവസ്ഥയും മറ്റും ചെറിയ തടസം സൃഷ്ടിച്ചെങ്കിലും സാധനങ്ങളെല്ലാം കണ്ടെത്തി ഉടമയെ തിരിച്ചേല്പ്പിക്കാന് സാധിച്ചതായി പൊലീസ് അറിയിച്ചു. നഷ്ടമായ സാധനങ്ങള് എത്രയും വേഗം കണ്ടെത്തി തിരിച്ചേല്പ്പിച്ചതിന് സഞ്ചാരികള് ദുബൈ പൊലീസിന് നന്ദി അറിയിക്കുകയും ചെയ്തു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam