യുഎഇ യാത്രാവിലക്കിനിടെ മുംബൈയില് നിന്ന് ദുബൈയിലേക്ക് എമിറേറ്റ്സ് പറന്നത് ഒരേയൊരു യാത്രക്കാരനുമായി
Synopsis
ഇന്ത്യയില് നിന്നുള്ളവര്ക്ക് നേരിട്ട് യുഎഇയിലെത്താന് വിലക്ക് പ്രാബല്യത്തിലുണ്ടെങ്കിലും നയതന്ത്ര ഉദ്യോഗസ്ഥര്, ഗോള്ഡന് വിസ ഉടമകള്, യുഎഇ പൗരന്മാര്, യുഎഇ അധികൃതരുടെ യാത്രാ അനുമതി ലഭിച്ചവര് എന്നിവര്ക്ക് ഈ തീരുമാനത്തില് ഇളവുകള് നല്കിയിട്ടുണ്ട്.
ദുബൈ: ഇന്ത്യയില് നിന്ന് യുഎഇയിലേക്കുള്ള യാത്രാവിലക്കിനിടെ മുംബൈയില് നിന്ന് എമിറേറ്റ്സ് വിമാനം ദുബൈയിലേക്ക് പറന്നത് ഒരു യാത്രക്കാരനുമായി. ഇകെ-501 വിമാനമാണ് മുംബൈയില് നിന്ന് ദുബൈയിലേക്ക് ഒരു യാത്രക്കാരനുമായി സര്വീസ് നടത്തിയത്.
ദുബൈ കേന്ദ്രീകരിച്ച് പ്രവര്ത്തിക്കുന്ന സ്റ്റാര്ജെംസ് ഗ്രൂപ്പ് സിഇഒയും ഗോള്ഡന് വിസ ഉടമയുമായ ഭാവേഷ് ജാവേരിയാണ് ഒറ്റയ്ക്ക് പറന്ന ഈ യാത്രക്കാരനെന്ന് 'ടൈംസ് ഓഫ് ഇന്ത്യ' റിപ്പോര്ട്ട് ചെയ്തു. ഇന്ത്യയില് നിന്നുള്ളവര്ക്ക് നേരിട്ട് യുഎഇയിലെത്താന് വിലക്ക് പ്രാബല്യത്തിലുണ്ടെങ്കിലും നയതന്ത്ര ഉദ്യോഗസ്ഥര്, ഗോള്ഡന് വിസ ഉടമകള്, യുഎഇ പൗരന്മാര്, യുഎഇ അധികൃതരുടെ യാത്രാ അനുമതി ലഭിച്ചവര് എന്നിവര്ക്ക് ഈ തീരുമാനത്തില് ഇളവുകള് നല്കിയിട്ടുണ്ട്. ഈ യാത്രയക്കായി 909ദിര്ഹം(ഏകദേശം 18,000 രൂപ)ആണ് ജാവേരി ചെലവാക്കിയത്. ക്യാബിന് ക്രൂ ഒന്നടങ്കം കയ്യടിച്ചാണ് തന്നെ വിമാനത്തിലേക്ക് സ്വീകരിച്ചതെന്നും ഊഷ്മളമായ വരവേല്പ്പാണ് എമിറേറ്റ്സ് തനിക്ക് നല്കിയതെന്നും ജാവേരി പറഞ്ഞു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam