ഡയറക്ട് റെമിറ്റ് വഴി പണമിടപാടിന് ഫീസ്; വ്യക്തത വരുത്തി ബാങ്ക്, ഇന്ത്യക്കാർക്ക് ബാധകമല്ല

ഇന്ത്യക്കാര്‍ക്ക് ആശങ്ക വേണ്ട, ഡയറക്ട് റെമിറ്റ് സംവിധാനം വഴി അന്താരാഷ്ട്ര പണമിടപാട് നടത്തുന്നതിന് ഫീസ് ഈടാക്കില്ലെന്ന് വ്യക്തമാക്കി ബാങ്ക്. 

അബുദാബി: ഇന്ത്യയടക്കം ചില രാജ്യങ്ങളിലേക്ക് ഡയറക്ട് റെമിറ്റ് സംവിധാനം വഴി അന്താരാഷ്ട്ര പണമിടപാട് നടത്തുന്നതിന് ഫീസ് ഈടാക്കില്ലെന്ന് വ്യക്തമാക്കി എമിറേറ്റ്സ് എന്‍ബിഡി. ഇന്ത്യയ്ക്ക് പുറമെ പാകിസ്ഥാന്‍, ഈജിപ്ത്, ഫിലിപ്പീന്‍സ് എന്നീ രാജ്യക്കാര്‍ക്കും സൗജന്യമായി പണം അയയ്ക്കാനാകും. ഡ​യ​റ​ക്ട്​ റെ​മി​റ്റ്​ സം​വി​ധാ​നം വ​ഴി അ​ന്താ​രാ​ഷ്ട്ര പ​ണ​മി​ട​പാ​ട്​ ന​ട​ത്തു​മ്പോ​ൾ 26.25 ദി​ർ​ഹം ഫീ​സ്​ ഈ​ടാ​ക്കാ​നു​ള്ള തീ​രു​മാ​നമാണ് ഇന്ത്യയടക്കം ഏതാനും രാജ്യങ്ങളെ ബാധിക്കില്ലെന്ന് അധികൃതര്‍ വ്യക്തമാക്കിയത്. ഫീ​സ്​ ഈ​ടാ​ക്കു​ന്ന​ത്​ സം​ബ​ന്ധി​ച്ച്​ വാര്‍ത്തകൾ പുറത്തു വന്നതിന് പിന്നാലെയാണ് ബാങ്ക് ഇക്കാര്യത്തില്‍ വ്യക്തത വരുത്തിയത്.

എന്നാല്‍ മറ്റ് ചില രാജ്യങ്ങളിലേക്ക് പണം അയയ്ക്കുന്നതിന് ഈ വര്‍ഷം സെപ്തംബര്‍ മുതല്‍ 26.25 ദി​ർ​ഹം ഫീ​സ്​ ഈ​ടാ​ക്കാും. യുഎഇ സെന്‍ട്രല്‍ ബാങ്ക് നിയന്ത്രണങ്ങള്‍ അനുസരിച്ചുള്ള നടപടിയുടെ ഭാഗമായാണ് ഫീസ് ഏര്‍പ്പെടുത്തുന്നത്. ഫീസ് ബാധകമാകുന്ന ഉപഭോക്താക്കള്‍ക്ക് ബാങ്ക് മെയില്‍ വഴി അറിയിപ്പ് നല്‍കുന്നുണ്ട്. ഇന്ത്യയടക്കമുള്ള സീ​റോ ഫീ ​കോ​റി​ഡോ​ർ രാജ്യങ്ങളില്‍ നിന്നുള്ളവര്‍ക്കാണ് ഫീസ് ഈടാക്കാത്തത്. എന്നാല്‍ നോൺ കോറിഡോര്‍സ് ലിസ്റ്റില്‍പ്പെടുന്ന രാജ്യങ്ങളില്‍ നിന്നുള്ളവര്‍ക്ക് ഫീസ് ബാധകമാണെന്നും ബാങ്ക് വ്യക്തമാക്കി. വാ​റ്റ്​ അ​ട​ക്കം ഉ​ൾ​പ്പെ​ടു​ന്ന നി​ശ്ചി​ത ഫീ​സ്​ ഓ​ൺ​ലൈ​ൻ, മൊ​ബൈ​ൽ, ഇഎ​ൻബിഡി എ​ക്സ്​ ഡി​ജി​റ്റ​ൽ ചാ​ന​ലു​ക​ൾ വ​ഴി​യു​ള്ള ഇ​ട​പാ​ടി​ന്​ മാ​ത്ര​മാ​ണ്​ ഫീ ​ബാ​ധ​ക​മാ​യി​ട്ടു​ള്ള​ത്. അ​ന്താ​രാ​ഷ്ട്ര പ​ണ​മ​യ​ക്ക​ലി​ന്​ രാ​ജ്യ​ത്തെ വി​വി​ധ ബാ​ങ്കു​ക​ൾ 20 ദി​ർ​ഹം മു​ത​ൽ 60 ദി​ർ​ഹം​വ​രെ ഫീ​സ്​ ഈ​ടാ​ക്കു​ന്നു​ണ്ട്. എ​ന്നാ​ൽ, എ​മി​റേ​റ്റ്​​സ്​ എ​ൻബി​ഡി ഡ​യ​റ​ക്ട്​ റെ​മി​റ്റ്​ സേ​വ​നം നി​ശ്ചി​ത രാ​ജ്യ​ക്കാ​രെ നേ​ര​ത്തേ​ ത​ന്നെ ഇ​ത്ത​രം ഫീ​സു​ക​ളി​ൽ​നി​ന്ന്​ ഒ​ഴി​വാ​ക്കി​യി​രു​ന്നു. ഒ​രു മി​നി​റ്റി​നു​ള്ളി​ൽ പ​ണ​മ​യ​ക്കാ​ൻ സാ​ധി​ക്കു​ന്ന സം​വി​ധാ​ന​മാ​ണ്​ ഡ​യ​റ​ക്ട്​ റെ​മി​റ്റ്.