ഇസ്രയേൽ-ഇറാൻ സംഘർഷം; ജോർദാനിലേക്കും ഇസ്രയേലിലേക്കുമുള്ള വിമാന സർവീസുകള് താല്ക്കാലികമായി നിർത്തി ഇത്തിഹാദ് എയർവേയ്സ്
Synopsis
അമ്മാനിലേക്കും ടെൽ അവീവിലേക്കുമുള്ള വിമാന സര്വീസുകള് താല്ക്കാലികമായി നിര്ത്തിവെച്ച് ഇത്തിഹാദ് എയര്വേയ്സ്.
അബുദാബി: മേഖലയിലെ സംഘർഷത്തിന്റെ പശ്ചാത്തലത്തിൽ ജോർദാനിലെ അമ്മാൻ, ഇസ്രയേൽ തലസ്ഥാനമായ ടെൽ അവീവ് എന്നിവിടങ്ങളിലേക്കുള്ള സർവ്വീസുകൾ തൽക്കാലികമായി നിർത്തി യുഎഇയുടെ ഇത്തിഹാദ് എയർവേസ്. അബുദാബിയിൽ നിന്ന് അമ്മാനിലേക്കുള്ള സർവ്വീസ് ഈ മാസം 20 വരെയും അബുദാബിയിൽ നിന്ന് ടെൽ അവീവിലേക്കുള്ള സർവ്വീസ് ഈ മാസം 22 വരെയുമാണ് നിർത്തിയിരിക്കുന്നത്.
കണക്ഷൻ ഫ്ലൈറ്റുകളിൽ യാത്ര ചെയ്യുന്നവർക്ക് ഈ സ്ഥലങ്ങളിലേക്ക് സർവ്വീസ് ലഭിക്കില്ല. നിലവിലെ നിയന്ത്രണം ബാധിച്ച യാത്രക്കാർക്ക് പകരം സംവിധാനം ഒരുക്കുമെന്ന് വിമാനക്കമ്പനി അറിയിച്ചു. സർവ്വീസുകളിൽ കൂടുതൽ മാറ്റങ്ങൾക്കും തടസ്സങ്ങൾക്കും സാധ്യതയുണ്ടെന്നും വിമാനക്കമ്പനി മുന്നറിയിപ്പ് നൽകി.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ