സൗദി അറേബ്യയിൽ അഞ്ച് പേര്‍ കൂടി കൊവിഡ് ബാധിച്ച് മരിച്ചു

2455 പേർ ഇപ്പോള്‍ രാജ്യത്തെ വിവിധ ആശുപത്രികളിലും മറ്റുമായി ചികിത്സയിൽ കഴിയുന്നു. ഇവരിൽ 497 പേരുടെ നില ഗുരുതരമാണ്. ചികിത്സയിലുള്ള ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ രോഗമുക്തി നിരക്ക് 97.6 ശതമാനവും മരണനിരക്ക് 1.7 ശതമാനവുമാണ്. 

റിയാദ്: സൗദി അറേബ്യയിൽ കൊവിഡ് ബാധിച്ച് അഞ്ചുപേർ കൂടി മരിച്ചു. 327 പേർക്ക് പുതുതായി രോഗബാധ സ്ഥിരീകരിച്ചു. ചികിത്സയിലായിരുന്നവരിൽ 318 പേർ സുഖം  പ്രാപിച്ചു. ഇതുവരെ രോഗം സ്ഥിരീകരിച്ചവരുടെ ആകെ എണ്ണം 3,75,333 ആയി. ഇതിൽ 3,66,412 പേർ സുഖം പ്രാപിച്ചു. ആകെ മരണസംഖ്യ 6466 ആയി. 

2455 പേർ ഇപ്പോള്‍ രാജ്യത്തെ വിവിധ ആശുപത്രികളിലും മറ്റുമായി ചികിത്സയിൽ കഴിയുന്നു. ഇവരിൽ 497 പേരുടെ നില ഗുരുതരമാണ്. ചികിത്സയിലുള്ള ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ രോഗമുക്തി നിരക്ക് 97.6 ശതമാനവും മരണനിരക്ക് 1.7 ശതമാനവുമാണ്. 

കഴിഞ്ഞ 24 മണിക്കൂറിനിടെ വിവിധ മേഖലകളിൽ  റിപ്പോർട്ട് ചെയ്ത  പുതിയ കൊവിഡ് കേസുകൾ: റിയാദ് 174, കിഴക്കൻ പ്രവിശ്യ 69, മക്ക 31, അൽഖസീം 16, മദീന 6, അൽജൗഫ് 6, നജ്‌റാൻ 6, വടക്കൻ അതിർത്തി മേഖല 5, അൽബാഹ 4,  അസീർ 3, ഹാഇൽ 3, തബൂക്ക് 2, ജീസാൻ 2.