കാന്തപുരം എ പി അബൂബക്കര് മുസ്ലിയാര്ക്ക് യുഎഇ ഗോള്ഡന് വിസ
Synopsis
വിദ്യാഭ്യാസ, ജീവകാരുണ്യപ്രവര്ത്തനങ്ങള്ക്ക് ഇന്ത്യയില് നിന്ന് ഗോള്ഡന് വിസ ലഭിക്കുന്ന ആദ്യ വ്യക്തിയാണ് കാന്തപുരം.
ദുബൈ: ഇന്ത്യന് ഗ്രാന്ഡ് മുഫ്തിയും ജാമിഅ മര്കസ് ചാന്സലറുമായ കാന്തപുരം എ പി അബൂബക്കര് മുസ്ലിയാര്ക്ക്(Kanthapuram A. P. Aboobacker Musliyar ) യുഎഇയുടെ ഗോള്ഡന്(UAE golden visa) വിസ ലഭിച്ചു. ദുബൈ(Dubai) താമസ കുടിയേറ്റ വകുപ്പ് ആസ്ഥാനത്ത് നടന്ന ചടങ്ങില് അദ്ദേഹം ഗോള്ഡന് വിസ ഏറ്റുവാങ്ങി.
യുഎഇയും ജാമിഅ മര്കസും തമ്മില് നിലനില്ക്കുന്ന അന്താരാഷ്ട്ര ബന്ധം, വിദ്യാഭ്യാസ വിനിമയം, ജീവകാരുണ്യ പ്രവര്ത്തനങ്ങള് എന്നിവ മുന്നിര്ത്തിയാണ് യുഎഇയുടെ ആദരം. വിദ്യാഭ്യാസ, ജീവകാരുണ്യപ്രവര്ത്തനങ്ങള്ക്ക് ഇന്ത്യയില് നിന്ന് ഗോള്ഡന് വിസ ലഭിക്കുന്ന ആദ്യ വ്യക്തിയാണ് കാന്തപുരം. ഗോള്ഡന് വിസ ലഭിച്ചതില് യുഎഇ പ്രസിഡന്റ് ശൈഖ് ഖലീഫ ബിന് സായിദ് അല് നഹ്യാന്, യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന് റാഷിദ് അല് മക്തൂം, അബുദാബി കിരീടാവകാശിയും യുഎഇ സായുധസേന ഉപസര്വ്വസൈന്യാധിപനുമായ ശൈഖ് മുഹമ്മദ് ബിന് സായിദ് അല് നഹ്യാന് എന്നിവര്ക്ക് നന്ദി അറിയിക്കുന്നതായി കാന്തപുരം പറഞ്ഞു. വിവിധ മേഖലകളില് കഴിവ് തെളിയിക്കുന്ന പ്രതിഭകള്ക്കാണ് യുഎഇ ഭരണകൂടം 10 വര്ഷത്തെ ഗോള്ഡന് വിസ അനുവദിക്കുന്നത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ