11 വര്‍ഷമായി പ്രവാസിയായ ഇദ്ദേഹം ഒന്നര വര്‍ഷം മുമ്പാണ് നാട്ടില്‍ പോയി വന്നത്.
ജിദ്ദ: ഹൃദയാഘാതത്തെ തുടര്‍ന്ന് മലയാളി സൗദി അറേബ്യയില്‍ മരിച്ചു. കോഴിക്കോട് കൊയിലാണ്ടി ചേലിയ സ്വദേശി ഇയ്യാക്കുട്ടി ശബീര്‍(40)ആണ് ജിദ്ദയില്‍ മരിച്ചത്. ഹസന്‍ നജീബ് ഫിര്‍ഔന്‍ ജനറല്‍ ആശുപത്രിയില്‍ ചികിത്സയിലിരിക്കെയാണ് മരണം സംഭവിച്ചത്.
11 വര്‍ഷമായി പ്രവാസിയായ ഇദ്ദേഹം ഒന്നര വര്‍ഷം മുമ്പാണ് നാട്ടില്‍ പോയി വന്നത്. ജിദ്ദയില്‍ മുസ്‍രിഫയില്‍ ഹൗസ് ഡ്രൈവറായി ജോലി ചെയ്ത് വരികയായിരുന്നു. പിതാവ്: പരേതനായ മുഹമ്മദ്, മാതാവ്: മൈമൂനത്ത്. ഭാര്യ: ഷഫീന, മക്കള്‍: സഫാസ് അമന്‍, സബ, ആമിന.