അപകടത്തിൽ പരിക്കേറ്റ് ചികിത്സയിലായിരുന്ന പ്രവാസി മലയാളി മരിച്ചു

റിയാദ് സുലൈയിൽ വെച്ചാണ് അപകടമുണ്ടായത്. തുടർന്ന് ആശുപത്രിയിൽ ചികിത്സയിലായിരുന്നു. 

റിയാദ്: രണ്ടര മാസം മുമ്പ് അപകടത്തിൽ പരിക്കേറ്റ് റിയാദിലെ ആശുപത്രിയിൽ ചികിത്സയിലായിരുന്ന മലയാളി മരിച്ചു. കൊല്ലം മഞ്ഞപ്പാറ സ്വദേശി യൂസുഫ് കുഞ്ഞു (60)  ആണ് നാഷനല്‍ ഗാര്‍ഡ് ആശുപത്രിയില്‍ മരിച്ചത്. 

റിയാദ് സുലൈയിൽ വെച്ചാണ് അപകടമുണ്ടായത്. തുടർന്ന് ആശുപത്രിയിൽ ചികിത്സയിലായിരുന്നു. ഭാര്യ: നദീറ  ബീവി. മക്കള്‍: ജസീന, ജസിയ, ജസീര്‍. റിയാദില്‍ ഖബറടക്കുന്നതിന് സഹോദരന്‍ ഷാഹുല്‍ ഹമീദിനെ സഹായിക്കാന്‍ പ്രമുഖ സാമൂഹിക പ്രവര്‍ത്തകന്‍ ശിഹാബ്  കൊട്ടുകാട് രംഗത്തുണ്ട്.