കൊവിഡ് ലക്ഷണങ്ങളോടെ റിയാദിലെ കിങ് ഫഹദ് മെഡിക്കൽ സിറ്റിയിൽ ചികിത്സയിലായിരുന്നു.
റിയാദ്: പനി ബാധിച്ച് റിയാദിലെ ആശുപത്രിയിൽ ചികിത്സയിലായിരുന്ന മലയാളി മരിച്ചു. പാലക്കാട്, വല്ലപ്പുഴ സ്വദേശി തെങ്ങുംവളപ്പ് മലയരികിലെ കാളപറമ്പിൽ യൂസുഫ് (50) ആണ് മരിച്ചത്. കൊവിഡ് ലക്ഷണങ്ങളോടെ റിയാദിലെ കിങ് ഫഹദ് മെഡിക്കൽ സിറ്റിയിൽ ചികിത്സയിലായിരുന്നു.
പരേതരായ മുഹമ്മദ് കുട്ടിയുടെയും മറിയയുടെയും മകനാണ്. ഭാര്യ: ബുഷ്റ. മക്കൾ: സ്വാലിഹ്, മുർഷിദ. മരുമകൻ: സ്വാലിഹ്. മരണാനന്തര നടപടികൾ പൂർത്തിയാക്കാൻ കെ.എം.സി.സി റിയാദ് സെൻട്രൽ കമ്മിറ്റി വെൽഫയർ വിങ് ചെയർമാൻ സിദ്ദീഖ് തുവ്വൂർ, അഷ്റഫ് മണ്ണാർക്കാട് എന്നിവർ രംഗത്തുണ്ട്.