കുവൈത്തില് 24കാരി മൂന്നാം നിലയില് നിന്ന് ചാടി മരിച്ച സംഭവത്തില് അന്വേഷണം
Published : Jun 23, 2021, 09:05 PM IST
Synopsis
ആഭ്യന്തര മന്ത്രാലയത്തിലെ ഓപ്പറേഷന്സ് റൂമില് വിവരം ലഭിച്ചതിന്റെ അടിസ്ഥാനത്തില് പൊലീസും പാരാമെഡിക്കല് സംഘവും സ്ഥലത്തെത്തി യുവതിയെ അദാന് ആശുപത്രിയിലേക്ക് മാറ്റി.
കുവൈത്ത് സിറ്റി: 24 വയസുകാരിയായ വിദേശ യുവതി കെട്ടിടത്തിന്റെ മൂന്നാം നിലയില് നിന്ന് ചാടി മരിച്ച സംഭവത്തില് പൊലീസ് അന്വേഷണം തുടങ്ങി. മഹ്ബുലയിലെ ഒരു റെസിഡന്ഷ്യല് ബില്ഡിങില് നിന്നാണ് ഇവര് ചാടി മരിച്ചത്. ആഭ്യന്തര മന്ത്രാലയത്തിലെ ഓപ്പറേഷന്സ് റൂമില് വിവരം ലഭിച്ചതിന്റെ അടിസ്ഥാനത്തില് പൊലീസും പാരാമെഡിക്കല് സംഘവും സ്ഥലത്തെത്തി യുവതിയെ അദാന് ആശുപത്രിയിലേക്ക് മാറ്റി. എന്നാല് ആശുപത്രിയില് എത്തുന്നതിന് മുമ്പ് തന്നെ മരണം സംഭവിച്ചിരുന്നു. ശാസ്ത്രീയ പരിശോധനകള്ക്കായി മൃതദേഹം ഫോറന്സിക് വിഭാഗത്തിന് കൈമാറി.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam