അന്തരിച്ച ബഹ്റൈന് പ്രധാനമന്ത്രിയുടെ ഭൗതിക ശരീരം സംസ്കരിച്ചു
Synopsis
മനാമ: അന്തരിച്ച ബഹ്റൈന് പ്രധാനമന്ത്രി പ്രിന്സ് ഖലീഫ ബിന് സല്മാന് ആല് ഖലീഫയുടെ ഭൗതിക ശരീരം ഖബറടക്കി. റിഫയിലെ ഹുനൈനിയ ഖബര്സ്ഥാനിലായിരുന്നു സംസ്കാരം നടന്നത്. കിരീടാവകാശിയും പ്രധാന മന്ത്രിയുമായ പ്രിന്സ് സല്മാന് ബിന് ഹമദ് ആല് ഖലീഫയും മുതിര്ന്ന രാജ കുടുംബാംഗങ്ങളും ചടങ്ങില് പങ്കെടുത്തു. രാജാവ് ഹമദ് ബിന് ഈസ ആല് ഖലീഫയുടെ നേതൃത്വത്തില് ശൈഖ് ഈസ ബിന് സല്മാന് മോസ്കില് സംസ്കാര പ്രാര്ത്ഥന നടത്തിയിരുന്നു.
അമേരിക്കയിലെ മയോ ക്ലിനിക്കില് ചികിത്സയിലിരിക്കെ ബുധനാഴ്ച രാവിലെയായിരുന്നു പ്രിന്സ് ഖലീഫ ബിന് സല്മാന് ആല് ഖലീഫയുടെ അന്ത്യം. 84 വയസായിരുന്നു. അന്തരിച്ച പ്രധാനമന്ത്രിയോടുള്ള ആദരസൂചകമായി ഹമദ് രാജാവ് ബഹ്റൈനില് വ്യാഴാഴ്ച മുതല് മൂന്ന് ദിവസത്തെ അവധി പ്രഖ്യാപിച്ചിരുന്നു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam