ഒമാനില് കൊവിഡ് ബാധിച്ച് ചികിത്സയിലായിരുന്ന മലയാളി വീട്ടമ്മ മരിച്ചു
Synopsis
റൂവിയിലെ ഒരു സ്വകര്യ ആശുപത്രിയിൽ ചികിത്സയിലിരുന്ന അവര് ഇന്ന് വൈകുന്നേരം ഒമാൻ സമയം 05:30നാണ് മരണപ്പെട്ടത് .
മസ്കത്ത്: കൊവിഡ് ബാധിച്ച് ഒമാനില് ചികിത്സയിലായിരുന്ന മലയാളി വീട്ടമ്മ മരിച്ചു. കോട്ടയം കുമാരനല്ലൂർ സ്വദേശിനി ദേവി സുരേഷ് (45) ആണ് മസ്കത്തിൽ മരണപ്പെട്ടത്. റൂവിയിലെ ഒരു സ്വകര്യ ആശുപത്രിയിൽ ചികിത്സയിലിരുന്ന അവര് ഇന്ന് വൈകുന്നേരം ഒമാൻ സമയം 05:30നാണ് മരണപ്പെട്ടത് .
'ബുൾഫിന്ഗർ ടീബോഡിൻ' കമ്പനിയിൽ ഇലക്ട്രിക്കൽ എഞ്ചിനീയറായി ജോലി ചെയ്യുന്ന സുരേഷ് കുമാറിന്റെ ഭാര്യയാണ്. മസ്കത്തിലെ സാംസ്കാരിക, ജീവ കാരുണ്യ പ്രവർത്തന രംഗത്ത് സജീവമായിരുന്നു. മക്കൾ: സിദ്ധാർത്ഥ് സുരേഷ് (മൂന്നാം വർഷ എം.ബി.ബി.എസ്. വിദ്യാർഥി), രേഷ്മ സുരേഷ് (എൽ.എൽ.ബി ഒന്നാം വർഷ വിദ്യാർത്ഥിനി). നടപടിക്രമങ്ങൾക്ക് ശേഷം മൃതദേഹം സോഹാറിൽ സംസ്കരിക്കുമെന്ന് ബന്ധപ്പെട്ടവർ അറിയിച്ചു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്ക് ഈ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam