ഒമാനില് കൊവിഡ് ബാധിച്ച് 24 മണിക്കൂറിനിടെ ഒമ്പത് മരണം
Synopsis
785 പേരാണ് കഴിഞ്ഞ 24 മണിക്കൂറിനിടെ രോഗമുക്തി നേടിയത്. 154,771 പേരാണ് ഇതുവരെ രാജ്യത്ത് രോഗമുക്തരായത്.
മസ്കറ്റ്: കഴിഞ്ഞ 24 മണിക്കൂറില് കൊവിഡ് ബാധിച്ച് ഒമ്പത് പേര് കൂടി മരിച്ചതായി ഒമാന് ആരോഗ്യ മന്ത്രാലയം. രാജ്യത്ത് കൊവിഡ് ബാധിച്ച് ആകെ1,798 പേരാണ് മരണപ്പെട്ടത്. കഴിഞ്ഞ 24 മണിക്കൂറിനുള്ളില് 1,335 പേര്ക്കാണ് പുതിയതായി രോഗം സ്ഥിരീകരിച്ചത്. ഒമാനില് കൊവിഡ് സ്ഥിരീകരിച്ചവരുടെ ആകെ എണ്ണം 174364 ആയി.
785 പേരാണ് കഴിഞ്ഞ 24 മണിക്കൂറിനിടെ രോഗമുക്തി നേടിയത്. 154,771 പേരാണ് ഇതുവരെ രാജ്യത്ത് രോഗമുക്തരായത്. കഴിഞ്ഞ 24 മണിക്കൂറിനിടെ 101 പേരെ ആശുപത്രികളില് പ്രവേശിപ്പിച്ചു. ഇവരുള്പ്പെടെ 759 പേരാണ് രാജ്യത്തെ വിവിധ ആശുപത്രികളില് ഇപ്പോള് ചികിത്സയിലുള്ളത്. ഇവരില് 250 പേര് തീവ്രപരിചരണ വിഭാഗങ്ങളിലാണ്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam