സൗദി അറേബ്യയില്‍ കൊവിഡ് ബാധിച്ച് ഒമ്പത് മരണം കൂടി

അസുഖ ബാധിതരായി  രാജ്യത്ത് ബാക്കിയുള്ളത് 2958 പേരാണ്. ഇതില്‍ 410 പേര്‍ മാത്രമാണ് ഗുരുതരാവസ്ഥയിലുള്ളത്.

റിയാദ്: സൗദി അറേബ്യയില്‍ കൊവിഡ് ബാധിച്ച് ഒമ്പത് പേര്‍ കൂടി മരിച്ചു. 168 പേര്‍ക്ക് പുതുതായി കൊവിഡ് സ്ഥിരീകരിച്ചു. 211 പേര്‍ സുഖം പ്രാപിച്ചു. ഇതോടെ രാജ്യത്ത്  റിപ്പോര്‍ട്ട് ചെയ്ത കൊവിഡ് കേസുകളുടെ ആകെ എണ്ണം 361178 ഉം രോഗമുക്തരുടെ എണ്ണം 352089 ഉം ആയി. മരണസംഖ്യ 6131 ആയി ഉയര്‍ന്നു.

അസുഖ ബാധിതരായി  രാജ്യത്ത് ബാക്കിയുള്ളത് 2958 പേരാണ്. ഇതില്‍ 410 പേര്‍ മാത്രമാണ് ഗുരുതരാവസ്ഥയിലുള്ളത്. ഇവര്‍ രാജ്യത്തെ വിവിധ ആശുപത്രികളിലെ തീവ്രപരിചരണ  വിഭാഗത്തിലാണ്. ബാക്കിയുള്ളവരുടെ ആരോഗ്യ സ്ഥിതി തൃപ്തികരമാണ്. രാജ്യത്തെ കൊവിഡ് മുക്തി നിരക്ക് 97.6 ശതമാനവും മരണനിരക്ക് 1.7 ശതമാനവുമായി തുടരുന്നു.  കഴിഞ്ഞ 24 മണിക്കൂറിനിടെ വിവിധ മേഖലകളില്‍ റിപ്പോര്‍ട്ട് ചെയ്ത പുതിയ കൊവിഡ് കേസുകള്‍: മക്ക 45,  റിയാദ് 31, കിഴക്കന്‍ പ്രവിശ്യ 25, അല്‍ബാഹ 15, അസീര്‍ 14,  മദീന 10, ഖസീം 7, വടക്കന്‍ മേഖല 7, നജ്‌റാന്‍ 6, അല്‍ജൗഫ് 4, തബൂക്ക് 2, ജീസാന്‍ 1, ഹാഇല്‍ 1.