ഒമാനില് 72 മണിക്കൂറിനിടെ 31 കൊവിഡ് മരണങ്ങള്; 3,139 പേര്ക്ക് കൂടി രോഗം സ്ഥിരീകരിച്ചു
Synopsis
2,038 പേര് കൂടി 72 മണിക്കൂറിനിടെ രോഗമുക്തി നേടി. 1,46,677 പേരാണ് ഇതുവരെ രാജ്യത്ത് രോഗമുക്തരായത്.
മസ്കത്ത്: ഒമാനില് 3,139 പേര്ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി ആരോഗ്യ മന്ത്രാലയം ഞായറാഴ്ച അറിയിച്ചു. മൂന്ന് ദിവസത്തെ കണക്കുകളാണ് മന്ത്രാലയം പുറത്തുവിട്ടത്. രാജ്യത്ത് കൊവിഡ് സ്ഥിരീകരിച്ചവരുടെ ആകെ എണ്ണം 1,63,157 ആയി. 31 പേരാണ് രാജ്യത്തിന്റെ വിവിധ ഭാഗങ്ങളില് കഴിഞ്ഞ 72 മണിക്കൂറിനിടെ കൊവിഡ് ബാധിച്ച് മരിച്ചത്. ആകെ 1,712 പേര്ക്കാണ് ഒമാനില് ഇതുവരെ കൊവിഡ് കാരണം ജീവന് നഷ്ടമായത്.
2,038 പേര് കൂടി 72 മണിക്കൂറിനിടെ രോഗമുക്തി നേടി. 1,46,677 പേരാണ് ഇതുവരെ രാജ്യത്ത് രോഗമുക്തരായത്. കഴിഞ്ഞ 24 മണിക്കൂറിനിടെ 97പേരെ ആശുപത്രികളില് പ്രവേശിപ്പിച്ചു. ഇവരടക്കം 590 പേരാണ് രാജ്യത്തെ വിവിധ ആശുപത്രികളില് ഇപ്പോള് ചികിത്സയിലുള്ളത്. ഇവരില് 186 പേര് തീവ്രപരിചരണ വിഭാഗങ്ങളിലാണ്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam