അടുത്ത മാസം മുതല് ഒമാനിലെ പൊതുസ്ഥലങ്ങളില് പ്രവേശനം വാക്സിനെടുത്തവര്ക്ക് മാത്രം
Synopsis
രാജ്യത്തെ സർക്കാർ ഓഫീസുകളിലും, സ്വകാര്യ സ്ഥാപനങ്ങളിലും, വാണിജ്യ കോംപ്ലക്സുകളിലും, റസ്റ്റോറന്റുകളിലും ഷോപ്പിംഗ് മാളുകളിലും പ്രവേശിക്കുന്നതിനും വാക്സിനേഷൻ നിർബന്ധമാക്കിയിട്ടുണ്ട്.
മസ്കത്ത്: ഒമാനില് അടുത്ത മാസം ഒന്നാം തീയ്യതി മുതല് പൊതുസ്ഥലങ്ങളിലെ പ്രവേശനം വാക്സിനെടുത്തവര്ക്ക് മാത്രമായി പരിമിതപ്പെടുത്തും. വ്യാഴാഴ്ച സുപ്രീം കമ്മിറ്റി ഇത് സംബന്ധിച്ച അറിയിപ്പ് പുറത്തിറക്കി. അതേസമയം ഒമാനില് ഏര്പ്പെടുത്തിയിട്ടുള്ള രാത്രി ലോക്ക്ഡൗണ് ഓഗസ്റ്റ് 21 ശനിയാഴ്ച അവസാനിക്കും.
രാജ്യത്തെ സർക്കാർ ഓഫീസുകളിലും, സ്വകാര്യ സ്ഥാപനങ്ങളിലും, വാണിജ്യ കോംപ്ലക്സുകളിലും, റസ്റ്റോറന്റുകളിലും ഷോപ്പിംഗ് മാളുകളിലും പ്രവേശിക്കുന്നതിനും വാക്സിനേഷൻ നിർബന്ധമാക്കിയിട്ടുണ്ട്. സെപ്തംബര് ഒന്നു മുതലാണ് ഇത് പ്രാബല്യത്തില് വരുന്നത്. സാംസ്കാരിക, കായിക പരിപാടികളില് പങ്കെടുക്കുന്നതിനും കൊവിഡ് വാക്സിനേഷന് പൂര്ത്തിയാക്കിയിരിക്കേണ്ടത് നിര്ബന്ധമാണ്.
കര, വ്യോമ, സമുദ്ര മാര്ഗങ്ങളിലൂടെ ഒമാനിലേക്ക് പ്രവേശിക്കുന്നവര് രണ്ട് ഡോസ് വാക്സിനും സ്വീകരിച്ചിരിക്കണമെന്നും അധികൃതര് അറിയിച്ചു. 18 വയസിന് മുകളിലുള്ളവര്ക്കാണ് ഈ നിബന്ധന ബാധകം. ഇതിന് പുറമെ രാജ്യത്തെത്തിയ ഉടന് ആര്.ടി പി.സി.ആര് പരിശോധനയ്ക്ക് വിധേയമാവണം. റിസള്ട്ട് പോസിറ്റീവാണെങ്കില് ഏഴ് ദിവസം ക്വാറന്റീനില് കഴിഞ്ഞ ശേഷം എട്ടാം ദിവസം വീണ്ടും പരിശോധന നടത്തുകയും വേണം.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam