മഹ്സൂസിലൂടെ വീണ്ടുമൊരു മില്യനയര്; 46-ാമത് നറുക്കെടുപ്പില് ഭാഗ്യശാലി നേടിയത് ഒരു മില്യന് ദിര്ഹം
Synopsis
മഹ്സൂസ് നറുക്കെടുപ്പിലൂടെ 2021ല് മില്യനയറാകുന്ന 16-ാമത്തെ ആളാണ് ഇദ്ദേഹം.
ദുബൈ: യുഎഇയിലെ മഹ്സൂസ് സ്റ്റുഡിയോയില് ശനിയാഴ്ച രാത്രി നടന്ന 46-ാമത് പ്രതിവാര തത്സമയ നറുക്കെടുപ്പില് ഒരു ഭാഗ്യശാലി 1,000,000 ദിര്ഹത്തിന്റെ രണ്ടാം സമ്മാനം സ്വന്തമാക്കിയതായി മഹ്സൂസ് മാനേജിങ് ഓപ്പറേറ്റര് ഈവിങ്സ് എല്എല്സി അറിയിച്ചു. നറുക്കെടുത്ത ആറ് സംഖ്യകളില് അഞ്ചെണ്ണവും യോജിച്ചു വന്ന ഇദ്ദേഹം മഹ്സൂസിലൂടെ ഈ വര്ഷം മില്യനയറാകുന്ന 16-ാമത്തെയാളാണ്. കൂടാതെ, 102 വിജയികള് 1,000 ദിര്ഹം വീതം നേടി. 1,984 പേരാണ് 35 ദിര്ഹത്തിന്റെ സമ്മാനം സ്വന്തമാക്കിയത്. ആകെ 1,171,440 ദിര്ഹമാണ് കഴിഞ്ഞ നറുക്കെടുപ്പില് വിജയികള്ക്ക് ലഭിച്ചത്. 2, 17, 40, 41, 42, 45 എന്നിവയായിരുന്നു നറുക്കെടുത്ത സംഖ്യകള്.
50 മില്യന് ദിര്ഹത്തിന്റെ ഒന്നാം സമ്മാനം ഇപ്പോഴും വിജയികളെ കാത്തിരിക്കുകയാണ്. 2021 ഒക്ടോബര് 16 ശനിയാഴ്ച യുഎഇ സമയം രാത്രി ഒമ്പത് മണിക്ക് നടക്കാനിരിക്കുന്ന അടുത്ത നറുക്കെടുപ്പില് പങ്കെടുക്കുന്നവര്ക്ക് ഇത് സ്വന്തമാക്കാനുള്ള അവസരമാണ് ലഭിക്കുക.
ഈ ആഴ്ചയിലെ നറുക്കെടുപ്പില് പങ്കെടുക്കാന് കഴിയാതിരുന്നവര്ക്ക് www.mahzooz.ae എന്ന വെബ്സൈറ്റില് രജിസ്റ്റര് ചെയ്ത് 35 ദിര്ഹത്തിന്റെ ബോട്ടില്ഡ് വാട്ടര് വാങ്ങി സംഭാവന ചെയ്യുന്നതിലൂടെ അടുത്ത നറുക്കെടുപ്പില് പങ്കെടുക്കാന് സാധിക്കും. ഓരോ ബോട്ടില്ഡ് വാട്ടര് വാങ്ങുമ്പോഴും നറുക്കെടുപ്പിലേക്കുള്ള ഒരു എന്ട്രി വീതം ലഭിക്കുന്നു. മാത്രമല്ല ബോട്ടില്ഡ് വാട്ടര് സംഭാവന നല്കുമ്പോള് അത് മഹ്സൂസിന്റെ കമ്മ്യൂണിറ്റി പാര്ട്ണര്മാര് വഴി ആവശ്യക്കാരിലേക്ക് എത്തിച്ചേരുകയും ചെയ്യുന്നു. യോഗ്യരായ എല്ലാവര്ക്കും മഹ്സൂസ് നറുക്കെടുപ്പില് പങ്കാളിത്തം ഉറപ്പാക്കാന് കഴിയും.
'മഹ്സൂസ്' എന്നാല് അറബിയില് 'ഭാഗ്യം' എന്നാണ് അര്ത്ഥം. ജിസിസിയിലെ ഒരേയൊരു പ്രതിവാര തത്സമയ നറുക്കെടുപ്പായ മഹ്സൂസ്, ആഴ്ചതോറും നല്കുന്ന ലക്ഷക്കണക്കിന് ദിര്ഹത്തിന്റെ സമ്മാനങ്ങളിലൂടെ ജീവിതം മാറ്റിമറിക്കാനുള്ള അവസരമാണൊരുക്കുന്നത്. ജനങ്ങളുടെ സ്വപ്നങ്ങള് സാക്ഷാത്കരിക്കാന് പ്രതിജ്ഞാബദ്ധമാണ് മഹ്സൂസ്. ഒപ്പം സേവനമായി അത് സമൂഹത്തിന് തിരികെ നല്കുകയും ചെയ്യുന്നു. മഹ്സൂസിനെ കുറിച്ചുള്ള കൂടുതല് വിവരങ്ങള് അറിയുന്നതിനായി ഇന്ത്യക്കാര്ക്ക് വേണ്ടിയുള്ള മഹ്സൂസ് ദേസി ഫേസ്ബുക്ക് ഗ്രൂപ്പില് ജോയിന് ചെയ്യുക.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam