കഴിഞ്ഞ മാസത്തെ അപേക്ഷിച്ച് പെട്രോള്‍ വിലയില്‍ 12 ശതമാനത്തിന്റെയും ഡീസല്‍ വിലയില്‍ 7.5 ശതമാനത്തിന്റെയും കുറവാണ് ജൂലൈയില്‍ പ്രഖ്യാപിച്ചിരിക്കുന്നത്.
ദോഹ: ഖത്തറില്‍ ജൂലൈ മാസത്തേക്കുള്ള ഇന്ധനവില പ്രഖ്യാപിച്ചു. സൂപ്പര്‍, പ്രീമിയം പെട്രോളിനും ഡീസലിനും വില കുറച്ചിട്ടുണ്ട്. കഴിഞ്ഞ മാസത്തെ അപേക്ഷിച്ച് പെട്രോള്‍ വിലയില്‍ 12 ശതമാനത്തിന്റെയും ഡീസല്‍ വിലയില്‍ 7.5 ശതമാനത്തിന്റെയും കുറവാണ് ജൂലൈയില്‍ പ്രഖ്യാപിച്ചിരിക്കുന്നത്.
ഡീസലിന് 2 റിയാലായിരുന്നത് ഈ മാസം 1.85 റിയാലായി കുറച്ചു. സൂപ്പര്‍ 95 പെട്രോളിന് രണ്ട് റിയാലായിരുന്നത് 1.75 റിയാലാക്കി. പ്രീമിയം 91 പെട്രോളിന് 1.70 റിയാലായിരിക്കും ജൂലൈ മാസത്തിലെ വില. നേരത്തെ ഇതിന് 1.95 റിയാലായിരുന്നു. സൂപ്പര്‍ 95 പെട്രോളിന്റെ വിലയില്‍ 12.5 ശതമാനവും പ്രീമിയം 91 പെട്രോളിന്റെ വിലയില്‍ 12.8 ശതമാനവും കുറവാണ് വരുത്തിയിരിക്കുന്നത്.