സൗദി അറേബ്യയിൽ 349 പേർ കൂടി കൊവിഡ് മുക്തരായി

രാജ്യത്തെ ആകെ കൊവിഡ് മരണസംഖ്യ 6461 ആയി. 2451 പേർ രാജ്യത്തെ വിവിധ ആശുപത്രികളിലും മറ്റുമായി ചികിത്സയിൽ കഴിയുന്നു. ഇവരിൽ 508 പേരുടെ നില ഗുരുതരമാണ്.  

റിയാദ്: സൗദി അറേബ്യയിൽ ഇന്ന് 349 പേർ കൂടി കൊവിഡ് രോഗബാധയിൽ നിന്ന് മുക്തി നേടി. പുതുതായി 315 പേർക്ക് രോഗം സ്ഥിരീകരിച്ചു. രാജ്യത്ത് വിവിധ  ഭാഗങ്ങളിൽ ചികിത്സയിൽ കഴിയുന്നവരിൽ നാലു പേർ മരിച്ചു. ഇതുവരെ രോഗം സ്ഥിരീകരിച്ചവരുടെ ആകെ എണ്ണം 375006 ആയി. ഇതിൽ 365006 പേർ സുഖം പ്രാപിച്ചു.  

രാജ്യത്തെ ആകെ കൊവിഡ് മരണസംഖ്യ 6461 ആയി. 2451 പേർ രാജ്യത്തെ വിവിധ ആശുപത്രികളിലും മറ്റുമായി ചികിത്സയിൽ കഴിയുന്നു. ഇവരിൽ 508 പേരുടെ നില ഗുരുതരമാണ്.  ചികിത്സയിലുള്ള ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ കോവിഡ് മുക്തി നിരക്ക് 97.6 ശതമാനവും മരണനിരക്ക് 1.7 ശതമാനവുമാണ്. 

കഴിഞ്ഞ 24  മണിക്കൂറിനിടെ വിവിധ മേഖലകളിൽ  റിപ്പോർട്ട് ചെയ്ത പുതിയ കൊവിഡ് കേസുകൾ: റിയാദ് 177, കിഴക്കൻ പ്രവിശ്യ 57, മക്ക 28, അൽഖസീം 12, അൽബാഹ 11, മദീന 8,  അസീർ 6, തബൂക്ക് 5, അൽജൗഫ് 3, നജ്‌റാൻ 3, ഹാഇൽ 2, വടക്കൻ അതിർത്തി മേഖല 2, ജീസാൻ 1.