സൗദി അറേബ്യയിൽ ഇന്ന് 80 പേർക്ക് കൊവിഡ്; ആറ് മരണം

ആകെ കൊവിഡ് കേസുകളുടെ എണ്ണം 5,45,992 ആയി. ഇതിൽ 5,35,078 പേർ രോഗമുക്തരായി. ആകെ മരണസംഖ്യ 8,623 ആയി ഉയർന്നു. കൊവിഡ് ബാധിച്ച് നിരീക്ഷണത്തിലുള്ളവരുടെ എണ്ണം 2,291 ആയി കുറഞ്ഞു.

റിയാദ്: സൗദി അറേബ്യയിൽ പുതുതായി 80 പേർക്ക് കൂടി കൊവിഡ് സ്ഥിരീകരിച്ചു. രോഗം ബാധിച്ച് നിരീക്ഷണത്തിലുള്ളവരിൽ 95 പേർ സുഖം പ്രാപിച്ചെന്നും കഴിഞ്ഞ 24 മണിക്കൂറിനിടെ രാജ്യത്ത് വിവിധ ഭാഗങ്ങളിലായി ആറുപേർ കൂടി മരിച്ചെന്നും സൗദി ആരോഗ്യമന്ത്രാലയം വാർത്താക്കുറിപ്പിൽ അറിയിച്ചു. രാജ്യത്ത് ഇന്ന് 44,227 ആർ.ടി പി.സി.ആർ പരിശോധനകൾ നടന്നു. 

ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കൊവിഡ് കേസുകളുടെ എണ്ണം 5,45,992 ആയി. ഇതിൽ 5,35,078 പേർ രോഗമുക്തരായി. ആകെ മരണസംഖ്യ 8,623 ആയി ഉയർന്നു. കൊവിഡ് ബാധിച്ച് നിരീക്ഷണത്തിലുള്ളവരുടെ എണ്ണം 2,291 ആയി കുറഞ്ഞു. ഇതിൽ 508 പേരുടെ സ്ഥിതി മാത്രമാണ് ഗുരുതരം. ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ കൊവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 31, മക്ക 15, കിഴക്കൻ പ്രവിശ്യ 7, ജീസാൻ 5, മദീന 5, അൽഖസീം 4, അസീർ 4, നജ്റാൻ 4, ഹായിൽ 2, തബൂക്ക് 1, അൽജൗഫ് 1, അൽബാഹ 1. രാജ്യത്താകെ പ്രതിരോധ കുത്തിവെപ്പ് 39,3488,410 ഡോസ് ആയി.