സൗദിയില് 466 പേര്ക്ക് കൂടി കൊവിഡ് സ്ഥിരീകരിച്ചു
Synopsis
രാജ്യത്തെ വിവിധ ആശുപത്രികളിലും മറ്റുമായി 4205 പേര് നിലവില് ചികിത്സയിലുണ്ട്. ഇവരില് 627 പേരുടെ നില ഗുരുതരമാണ്.
റിയാദ്: സൗദി അറേബ്യയില് ഇന്ന് 466 പേര്ക്ക് കൂടി കൊവിഡ് സ്ഥിരീകരിച്ചു. 306 പേര് രോഗമുക്തി നേടി. രാജ്യത്ത് വിവിധ ഭാഗങ്ങളിലായി ആറ് പേര് മരിച്ചു. ഇതുവരെ രാജ്യത്ത് രോഗം സ്ഥിരീകരിച്ചവരുടെ ആകെ എണ്ണം 3,86,300 ആയി. ഇവരില് 3,75,471 പേര്ക്കും രോഗം ഭേദമായി. ആകെ മരണസംഖ്യ 6,624 ആയി.
രാജ്യത്തെ വിവിധ ആശുപത്രികളിലും മറ്റുമായി 4205 പേര് നിലവില് ചികിത്സയിലുണ്ട്. ഇവരില് 627 പേരുടെ നില ഗുരുതരമാണ്. ചികിത്സയില് കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ രോഗ മുക്തി നിരക്ക് 97 ശതമാനവും മരണനിരക്ക് 1.7 ശതമാനവുമാണ്. കഴിഞ്ഞ 24 മണിക്കൂറിനിടെ വിവിധ മേഖലകളില് റിപ്പോര്ട്ട് ചെയ്ത പുതിയ കേസുകള്: റിയാദ് 193, കിഴക്കന് പ്രവിശ്യ 102, മക്ക 71, അല്ഖസീം 21, ഹായില് 13, മദീന 13, തബൂക്ക് 11, അസീര് 9, ജിസാന് 9, വടക്കന് അതിര്ത്തി മേഖല 8, നജ്റാന് 7, അല്ജൗഫ് 6, അല്ബാഹ 3.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam