സൗദിയില്‍ പുതുതായി 57 പേര്‍ക്ക് കൊവിഡ്, രണ്ട് മരണം

രാജ്യത്ത് ആകെ റിപ്പോര്‍ട്ട് ചെയ്ത രോഗ ബാധിതരുടെ എണ്ണം 5,47,761 ആയി. ഇതില്‍ 5,36,768 പേരും സുഖം പ്രാപിച്ചു. ആകെ 8,753 പേര്‍ മരിച്ചു. ബാക്കി ചികിത്സയിലുള്ളവരില്‍ 111 പേര്‍ക്ക് മാത്രമാണ് ഗുരുതര സ്ഥിതി.

റിയാദ്: സൗദി അറേബ്യയില്‍ പുതുതായി 57 പേര്‍ക്ക് കൊവിഡ് സ്ഥിരീകരിച്ചു. 24 മണിക്കൂറിനിടെ രണ്ട് മരണവും റിപ്പോര്‍ട്ട് ചെയ്തു. സൗദി ആരോഗ്യമന്ത്രാലയം പുറത്തുവിട്ട പ്രതിദിന കണക്ക് പ്രകാരം രാജ്യത്താകെ 24 മണിക്കൂറിനിടയില്‍ 44 പേര്‍ രോഗമുക്തി നേടി. 53,930 പി.സി.ആര്‍ പരിശോധനകളാണ് ഇന്ന് നടന്നത്.

രാജ്യത്ത് ആകെ റിപ്പോര്‍ട്ട് ചെയ്ത രോഗ ബാധിതരുടെ എണ്ണം 5,47,761 ആയി. ഇതില്‍ 5,36,768 പേരും സുഖം പ്രാപിച്ചു. ആകെ 8,753 പേര്‍ മരിച്ചു. ബാക്കി ചികിത്സയിലുള്ളവരില്‍ 111 പേര്‍ക്ക് മാത്രമാണ് ഗുരുതര സ്ഥിതി. രാജ്യത്തെ കൊവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു. രാജ്യത്ത് വാക്‌സിനേഷന്‍ 44,139,976 ഡോസ് കവിഞ്ഞു. ഇതില്‍ 23,793,444 എണ്ണം ആദ്യ ഡോസ് ആണ്. 20,346,532 എണ്ണം സെക്കന്‍ഡ് ഡോസും. 1,678,948 ഡോസ് പ്രായാധിക്യമുള്ളവര്‍ക്കാണ് നല്‍കിയത്. രാജ്യത്തെ വിവിധ മേഖലകളില്‍ പുതുതായി റിപ്പോര്‍ട്ട് ചെയ്ത രോഗികളുടെ എണ്ണം: റിയാദ് 19, ജിദ്ദ 9, മക്ക 5, തബൂക്ക് 2, ബുറൈദ 2, ബുഖൈരിയ 2, മറ്റ് 20 സ്ഥലങ്ങളില്‍ ഓരോ വീതം രോഗികള്‍.