ഒമാനില്‍ കൊവിഡ് ബാധിച്ച് ഇന്ന് ആറു മരണം; 910 പേര്‍ക്ക് കൂടി രോഗം

 രോഗം ബാധിച്ചവരില്‍ 535 ഒമാൻ സ്വദേശികളും 375 പേര്‍ വിദേശികളുമാണ്. 

മസ്കറ്റ്: ഒമാനിൽ ഇന്ന് കൊവിഡ് ബാധിച്ച് ആറു പേർ കൂടി മരിച്ചു. ഇതോടെ രാജ്യത്ത് മരിച്ചവരുടെ എണ്ണം169 ആയി. 910 പേർക്ക് കൂടി കൊവിഡ് രോഗം ബാധിച്ചതായി ഇന്ന് ഒമാൻ ആരോഗ്യ മന്ത്രാലയം സ്ഥിരീകരിച്ചു. രോഗം ബാധിച്ചവരില്‍ 535 ഒമാൻ സ്വദേശികളും 375 പേര്‍ വിദേശികളുമാണ്. ഇതിനകം 39060 പേർക്കാണ് രാജ്യത്ത് കൊവിഡ് ബാധിച്ചത്. ഇതിൽ 22422 രോഗികൾ സുഖം പ്രാപിച്ചതായും മന്ത്രാലയ അധികൃതർ വ്യക്തമാക്കിയിട്ടുണ്ട്.