യുഎഇയില് 3,251 പേര്ക്ക് കൂടി കൊവിഡ്, 24 മണിക്കൂറിനിടെ 14 മരണം
Synopsis
2.65 കോടിയിലധികം കൊവിഡ് പരിശോധനകള് ഇതുവരെ രാജ്യത്ത് നടത്തിയിട്ടുണ്ട്. ഔദ്യോഗിക കണക്കുകള് പ്രകാരം രാജ്യത്ത് 3,20,126 പേര്ക്കാണ് കൊവിഡ് വൈറസ് ബാധ സ്ഥിരീകരിക്കപ്പെട്ടിട്ടുള്ളത്.
അബുദാബി: യുഎഇയില് ഇന്ന് 3,251 പേര്ക്ക് കൂടി കൊവിഡ് വൈറസ് ബാധ സ്ഥിരീകരിക്കപ്പെട്ടതായി ആരോഗ്യ - പ്രതിരോധ മന്ത്രാലയം അറിയിച്ചു. ചികിത്സയിലായിരുന്ന 3,860 പേര് രോഗമുക്തരാവുകയും ചെയ്തു. എന്നാല് കഴിഞ്ഞ 24 മണിക്കൂറിനിടെ 14 പേരാണ് രാജ്യത്ത് കൊവിഡ് ബാധിച്ച് മരണപ്പെട്ടത്.
പുതിയതായി നടത്തിയ 1,48,574 ടെസ്റ്റുകളില് നിന്നാണ് 3,251 കൊവിഡ് രോഗികളെ കണ്ടെത്തിയത്. 2.65 കോടിയിലധികം കൊവിഡ് പരിശോധനകള് ഇതുവരെ രാജ്യത്ത് നടത്തിയിട്ടുണ്ട്. ഔദ്യോഗിക കണക്കുകള് പ്രകാരം രാജ്യത്ത് 3,20,126 പേര്ക്കാണ് കൊവിഡ് വൈറസ് ബാധ സ്ഥിരീകരിക്കപ്പെട്ടിട്ടുള്ളത്. ഇവരില് 2,97,040 പേര് ഇതിനോടകം രോഗമുക്തരായി. ആകെ 902 പേരാണ് മരണപ്പെട്ടത്. 22,184 കൊവിഡ് രോഗികള് ഇപ്പോള് യുഎഇയിലുണ്ടെന്നും ഔദ്യോഗിക കണക്കുകള് വ്യക്തമാക്കുന്നു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam