യൂണിയൻ കോപ് ഒക്ടോബറിൽ 7 പ്രൊമോഷനൽ ക്യാംപയിനുകൾ പ്രഖ്യാപിച്ചു

തെരഞ്ഞെടുത്ത ഉൽപ്പന്നങ്ങളിൽ 60% വരെ കിഴിവ് ലഭ്യമാകും.

ദുബായിലെ എല്ലാ കൊമേഴ്സ്യൽ സെന്ററുകളിലും മാളുകളിലും പ്രത്യേക കിഴിവ് പ്രഖ്യാപിച്ച് യൂണിയൻ കോപ്. 900-ൽ അധികം വരുന്ന ഉൽപ്പന്നങ്ങൾക്ക് 60% വരെ കിഴിവ് ലഭ്യമാകും.

ഉപയോക്താക്കൾക്ക് ഉൽപ്പന്നങ്ങൾ മിതമായ നിരക്കിൽ ലഭ്യമാക്കാനായി ആഴ്ച്ചതോറും മാസംതോറും നടപ്പാക്കുന്ന പദ്ധതികളുടെ ഭാ​ഗമാണിതെന്ന് യൂണിയൻ കോപ് ചീഫ് കമ്മ്യൂണിറ്റി റിലേഷൻസ് ഓഫീസർ ഡോ. സുഹൈൽ അൽ ബസ്തകി പറഞ്ഞു. 

പഴം, പച്ചക്കറി, ജ്യൂസ്, വെള്ളം, പാൽ ഉൽപ്പന്നങ്ങൾ, മധുരപലഹാരങ്ങൾ, സു​ഗന്ധവ്യജ്ഞനം, അരി, എണ്ണ തുടങ്ങിയ ഉൽപ്പന്നങ്ങൾക്ക് കിഴിവ് ലഭിക്കും. യൂണിയൻ കോപ് സ്മാർട്ട് ആപ്പിലും ഓൺലൈൻ പോർട്ടലിലും കിഴിവ് നേടാം.