എബി ഡിവില്യേഴ്‍സും പുറത്ത്, ഇന്ത്യ പിടിമുറുക്കുന്നു

ഏകദിന പരമ്പരയില്‍ ഇന്ത്യക്കെതിരെ ആറാം മത്സരത്തില്‍ ദക്ഷിണാഫ്രിക്കയ്‍ക്ക് മൂന്നാം വിക്കറ്റും നഷ്‍ടമായി. 30 റണ്‍സ് എടുത്ത എബി ഡിവില്യേഴ്‍സ് ആണ് പുറത്തായത്. ചാഹല്‍ ആണ് എബി ഡിവില്യേഴ്‍സിനെ പുറത്താക്കിയത്. ഏറ്റവും ഒടുവിലത്തെ റിപ്പോര്‍ട്ട് അനുസരിച്ച് ദക്ഷിണാഫ്രിക്ക 22 ഓവറില്‍ മൂന്ന് വിക്കറ്റ് നഷ്‍ടത്തില്‍ 108 റണ്‍സ് ആണ് എടുത്തിരിക്കുന്നത്. സോണ്ടോയും ക്ലാസെനുമാണ് ക്രീസില്‍.

മറ്റ് രണ്ട് വിക്കറ്റുകളും താക്കൂറാണ് സ്വന്തമാക്കിയത്. 24 റണ്‍സ് എടുത്ത മര്‍ക്രത്തെ താക്കൂര്‍ അയ്യരുടെ കൈകളിലെത്തിക്കുകയായിരുന്നു. 0 റണ്‍സ് എടുത്തിരുന്ന അംലയെ ആണ് താക്കൂര്‍ ആദ്യം പുറത്താക്കിയത്.

ടോസ് നേടിയ ടീം ഇന്ത്യ ബൗളിംഗ് തെരഞ്ഞെടുക്കുകയായിരുന്നു. ആറ് മത്സരങ്ങളുള്ള പരമ്പരയില്‍ നാല് ജയവുമായി ടീം ഇന്ത്യ പരമ്പര സ്വന്തമാക്കിയിരുന്നു.