സിന്ധുവിന് വീണ്ടും തോല്‍വി; ദേശീയ ബാഡ്മിന്റണ്‍ കിരീടം സൈന നിലനിര്‍ത്തി

ദേശീയ വനിതാ ബാഡ്മിന്റണ്‍ കിരീടം സൈന നൈവാള്‍ നിലനിലര്‍ത്തി. പി.വി സിന്ധുവിനെതിരെ 21- 16, 21- 15 എന്ന സ്‌കോറിനായിരുന്നു സൈനയുടെ വിജയം. കഴിഞ്ഞ വര്‍ഷവും സൈന സിന്ധുവിനെ തോല്‍പ്പിച്ചാണ് കിരീടം സ്വന്തമാക്കിയത്.

ഗോഹട്ടി: ദേശീയ വനിതാ ബാഡ്മിന്റണ്‍ കിരീടം സൈന നൈവാള്‍ നിലനിലര്‍ത്തി. പി.വി സിന്ധുവിനെതിരെ 21- 16, 21- 15 എന്ന സ്‌കോറിനായിരുന്നു സൈനയുടെ വിജയം. കഴിഞ്ഞ വര്‍ഷവും സൈന സിന്ധുവിനെ തോല്‍പ്പിച്ചാണ് കിരീടം സ്വന്തമാക്കിയത്. സിന്ധു നന്നായി തുടങ്ങിയെങ്കിലും മത്സരം പുരോഗമിക്കുന്തോറും സൈന മേധാവിത്വം പുലര്‍ത്തി വന്നു. 

ആദ്യ ഗെയിമിന്റെ ഇടവേളയില്‍ 11-10 എന്ന സ്‌കോറില്‍ സൈന മുന്നിട്ടു നില്‍ക്കുകയായിരുന്നു. എന്നാല്‍ ഇടവേളയ്ക്ക് ശേഷം സൈന ലീഡ് 18-15ലേക്ക് ഉയര്‍ത്തി. രണ്ട് പോയിന്റുകള്‍ കൂടി നേടി സിന്ധു 17-18ലെത്തി. എന്നാല്‍ സൈന തന്റെ പദ്ധതികള്‍ നടപ്പാക്കിയതോടെ ഗെയിം 21-18ന സ്വന്തമാക്കി.

രണ്ടാം ഗെയിമും സിന്ധുവിന്റെ മുന്നേറ്റത്തോടെ തുടങ്ങി. എന്നാല്‍ സൈന 5-5ന് ഒപ്പമെത്തി. പിന്നാലെ 13-9ന് ലീഡും നേടി. പിന്നീട് തിരിച്ച് കയറാന്‍ സിന്ധുവിന് സാധിച്ചില്ല. പുരുഷ ഫൈനലില്‍ ലക്ഷ്യ സെനിനെ തോല്‍പ്പിച്ച് സൗരഭ് വര്‍മ സ്വര്‍ണം നേടി. തുടര്‍ച്ചയായ മൂന്നാം കിരീടമാണിത്.