ലോഡ്‌സ്: ടെസ്റ്റ് ക്രിക്കറ്റിൽ അലിസ്റ്റർ കുക്കിന് മറ്റൊരു നേട്ടംകൂടി. പാകിസ്ഥാനെതിരെ ആദ്യ ടെസ്റ്റില്‍ ക്രീസിലെത്തിയപ്പോൾ കുക്ക് തുട‍ർച്ചയായി കൂടുതൽ ടെസ്റ്റ് കളിച്ച അലൻ ബോർഡറുടെ റെക്കോർഡിനൊപ്പം എത്തി. 153 ടെസ്റ്റിൽ തുട‍ർച്ചയായി കളിച്ചാണ് ബോർഡർ റെക്കോർഡിട്ടത്. മുപ്പത്തിമൂന്നുകാരനായ കുക്കിന്‍റെ 154-ാം ടെസ്റ്റ് ആയിരുന്നു ഇത്.
2006ൽ ഇന്ത്യക്കെതിരെ നാഗ്പൂരിൽ ആയിരുന്നു കുക്കിന്‍റെ ടെസ്റ്റ് അരങ്ങേറ്റം. തൊട്ടടുത്ത ടെസ്റ്റിൽ പനിമൂലം വിട്ടുനിന്ന കുക്ക് പിന്നീട് ഇംഗ്ലണ്ട് നിരയിൽ കളിക്കാതിരുന്നിട്ടില്ല. 154 ടെസ്റ്റിൽ 32 സെഞ്ച്വറികളോടെ 12,098 റൺസാണ് കുക്കിന്‍റെ സമ്പാദ്യം. ടെസ്റ്റില്‍ 32 സെഞ്ചുറികളും അഞ്ച് ഇരട്ട സെഞ്ചുറികളും കുക്കിന്‍റെ പേരിലുണ്ട്. 56 അര്‍ദ്ധ സെഞ്ചുറികളും ഇതിലുള്‍പ്പെടുന്നു.