ആര് അശ്വിൻ 2017ൽ കുറിച്ച രണ്ട് ലോകറെക്കോര്ഡുകള്
Synopsis
ഇന്ത്യൻ ക്രിക്കറ്റ് കണ്ട എക്കാലത്തെയും മികച്ച സ്പിന്നര്മാരിൽ ഒരാളാണ് ആര് അശ്വിൻ. ക്രിക്കറ്റിലെ ചില റെക്കോര്ഡുകള് കുറിച്ചാണ് അശ്വിൻ ചരിത്രത്തിൽ ഇടംനേടിയത്. ഈ വര്ഷം രണ്ട് ലോകറെക്കോര്ഡുകളാണ് അശ്വിൻ കുറിച്ചത്. അവ ഏതൊക്കെയാണെന്ന് നോക്കാം...
ടെസ്റ്റിൽ അതിവേഗം 300 വിക്കറ്റ് തികച്ചതാണ് ഒരു ലോകറെക്കോര്ഡ്. 54 ടെസ്റ്റുകളിൽനിന്നാണ് അശ്വിൻ 300 വിക്കറ്റ് തികച്ചത്. ഇക്കാര്യത്തിൽ ഓസീസ് ഇതിഹാസം ഡെന്നിസ് ലില്ലിയെയാണ് അശ്വിൻ മറികടന്നത്. ഡെന്നിസ് ലില്ലി 56 മൽസരങ്ങളിൽനിന്നാണ് 300 വിക്കറ്റ് തികച്ചത്.
ടെസ്റ്റിൽ ഒരിന്നിംഗ്സിൽ അഞ്ചുവിക്കറ്റ് നേട്ടം 25 തവണ അതിവേഗം തികച്ച ബൗളര് എന്ന ലോകറെക്കോര്ഡും 2017ൽ അശ്വിൻ സ്വന്തമാക്കി. 2017 മാര്ച്ച് എട്ടിന് ഓസ്ട്രേലിയയ്ക്കെതിരായ ടെസ്റ്റ് മൽസരത്തോടെയാണ് ഈ നേട്ടം അശ്വിൻ സ്വന്തമാക്കിയത്. 88 ഇന്നിംഗ്സുകളിൽനിന്നാണ് ഇരുപത്തിയഞ്ചാമത്തെ അഞ്ചുവിക്കറ്റ് നേട്ടം അശ്വിൻ സ്വന്തമാക്കിയത്. ഇക്കാര്യത്തിൽ ലങ്കൻ ഇതിഹാസം മുത്തയ്യ മുരളീധരന്റെ റെക്കോര്ഡാണ് അശ്വിൻ മറികടന്നത്. മുരളീധരന് 100 ഇന്നിംഗ്സുകളിൽനിന്നാണ് ഇരുപത്തിയഞ്ചാമത്തെ അഞ്ചുവിക്കറ്റ് നേട്ടം കൈവരിച്ചത്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!