ചാമ്പ്യന്‍സ് ട്രോഫിക്കായുള്ള ഇന്ത്യന്‍ ടീമിനെ പ്രഖ്യാപിച്ചു

ഐസിസി ചാമ്പ്യന്‍സ് ട്രോഫിക്കായുള്ള ഇന്ത്യന്‍ ടീമിനെ പ്രഖ്യാപിച്ചു. വീരാട് കോലി നായകനായ ടീമില്‍ മുന്‍ടീമില്‍ നിന്നും വലിയ മാറ്റങ്ങള്‍ ഇല്ല. ഐപിഎല്ലിലെ പ്രകടനങ്ങള്‍ പരിഗണിക്കാതെയാണ് ടീം പ്രഖ്യാപനം എന്നാണ് സെലക്ഷന്‍ കമ്മിറ്റി പറയുന്നത്. അതിനാലാണ് സഞ്ജു സാംസണിനും ബെസില്‍ തമ്പിക്കും ടീമില്‍ ഇടംലഭിക്കാത്തത് എന്നാണ് അറിയുന്നത്.

ഐപിഎല്ലിലെ മിന്നും പ്രകടനക്കാരായ റോബിൻ ഉത്തപ്പ, ഗൗതം ഗംഭീർ, സുരേഷ് റെയ്ന, സന്ദീപ് ശർമ എന്നിവരെയൊന്നും ടീമിലേക്ക് പരിഗണിച്ചില്ല.ജൂണ്‍ ഒന്നിന് ഇംഗ്ലണ്ടിലാണ് ചാന്പ്യൻസ് ട്രോഫി തുടങ്ങുന്നത്. ബർമിംഗ്ഹാമിൽ ജൂണ്‍ നാലിന് പാക്കിസ്ഥാനെതിരേയാണ് ഇന്ത്യയുടെ ആദ്യ മത്സരം.

ടീം ഇങ്ങനെ -  രോഹിത്ത് ശര്‍മ്മ, ഷിഖര്‍ ധവാന്‍, വീരാട് കോലി (ക്യാപ്റ്റന്‍), കേധാര്‍ ജാഥവ്, മനീഷ് പാണ്ഡേ, എംഎസ് ധോണി (വിക്കറ്റ് കീപ്പര്‍), യുവരാജ് സിംഗ്, രവീന്ദ്ര ജഡേജ, ഹാര്‍ദ്ദിക്ക് പാണ്ഡ്യ, ഭുവനേശ്വര്‍ കുമാര്‍, ഉമേഷ് യാദവ്, അജന്‍കാ രഹാനെ, ആര്‍ അശ്വിന്‍, മൊഹമ്മദ് ഷമി, ജസ്പ്രീത് ബൂമ്രെ