കീപ്പിംഗില് ധോണി ഇപ്പോഴും ഇടിമിന്നലാണ്-വീഡിയോ
Synopsis
എംഎസ് ധോണിയുടെ ബാറ്റിംഗിനെക്കുറിച്ച് ആശങ്കപ്പെടുന്നവരുണ്ടാകാം. അപ്പോഴും ധോണിയുടെ കീപ്പിംഗിനെക്കുറിച്ച് ആര്ക്കും കുറ്റം പറയാനാവില്ല.
ദുബായ്: എംഎസ് ധോണിയുടെ ബാറ്റിംഗിനെക്കുറിച്ച് ആശങ്കപ്പെടുന്നവരുണ്ടാകാം. അപ്പോഴും ധോണിയുടെ കീപ്പിംഗിനെക്കുറിച്ച് ആര്ക്കും കുറ്റം പറയാനാവില്ല. ഏഷ്യാ കപ്പില് ഇന്നലെ പാക്കിസ്ഥാനെതിരെ ഹര്ദ്ദീക് പാണ്ഡ്യയുടെ പന്തില് ഷൊയൈബ് മാലിക്ക് ക്യാച്ച് നഷ്ടമാക്കിയപ്പോള് ധോണിയുടെ കീപ്പിംഗിനെക്കുറിച്ചും ചില സംശയങ്ങളുയര്ന്നു.
എന്നാല് ആ സംശയങ്ങളെയെല്ലാം ബൗണ്ടറി കടത്തുന്നതായിരുന്നു തുടര്ന്ന് വിക്കറ്റിന് പിന്നില് ധോണിയുടെ പ്രകടനം. പാക്കിസ്ഥാന് സ്കോര് 121/6 ല് നില്ക്കെ കേദാര് ജാദവിന്റെ പന്തില് ഷദാബ് ഖാനെ മിന്നല് സ്റ്റംപിഗിലൂടെ പുറത്താക്കിയാണ് ധോണി വിക്കറ്റിന് പിന്നില് താന് ഇപ്പോഴും മിന്നല്പ്പിണറാണെന്ന് തെളിയിച്ചത്.
ഹോങ്കോംഗിനെതിരെ പൂജ്യത്തിന് പുറത്തായ ധോണിക്ക് ഇന്നലെ പാക്കിസ്ഥാനെതിരെ ബാറ്റിംഗിനിറങ്ങേണ്ടിവന്നില്ല.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!