ഏഷ്യന്‍ ഗെയിംസ്: നീന്തല്‍കുളത്തിലെ സ്വര്‍ണ മത്സ്യം വിലയേറിയ താരം

ഏഷ്യൻ ഗെയിംസിലെ വിലയേറിയ താരത്തിനുള്ള പുരസ്കാരം ആറ് സ്വര്‍ണം നേടിയ ജാപ്പനീസ് കൗമാര നീന്തല്‍ വിസ്‌മയത്തിന്...

ജക്കാര്‍ത്ത: ജപ്പാന്റെ അത്ഭുത കൗമാര നീന്തല്‍താരം റികാക്കോ ഇകീക്ക് ഏഷ്യൻ ഗെയിംസിലെ വിലയേറിയ താരത്തിനുള്ള പുരസ്കാരം. ഒളിമ്പിക് കൗൺസിൽ ഓഫ് ഏഷ്യ ആണ് പ്രഖ്യാപനം നടത്തിയത്. പതിനെട്ടുകാരിയായ ഇകീ നീന്തലിൽ ആറ് സ്വർണവും 2 വെള്ളിയും നേടിയിരുന്നു. മൂന്നര കോടി രൂപ ആണ് സമ്മാനത്തുക. 

ഒരു ഏഷ്യൻ ഗെയിംസിൽ ആറ് സ്വർണം നേടുന്ന ആദ്യ നീന്തൽ താരം ആണ് ഇകീ. ജക്കാര്‍ത്ത ഏഷ്യന്‍ ഗെയിംസില്‍ കൂടുതല്‍ മെഡലുകള്‍ നേടിയ താരവും ഇകീ ആണ്. 2020-ല്‍ സ്വന്തം നാട്ടിൽ നടക്കുന്ന ഒളിംപിക്സിൽ മികച്ച പ്രകടനം നടത്താൻ ശ്രമിക്കുമെന്ന് 18കാരിയായ ഇകീ പറഞ്ഞു. പുരസ്കാരം നേടുന്ന നാലാം ജാപ്പനീസ് താരമാണ് ഇകീ.