ഏഷ്യന് യൂത്ത് വോളി: ഇന്ത്യന് ടീമില് മാറ്റുരയ്ക്കാൻ മൂന്ന് മലയാളികള്
Synopsis
ഏഷ്യന് യൂത്ത് വോളിബോള് ചാമ്പ്യന്ഷിപ്പിനുള്ള ഇന്ത്യന് ടീമില് മൂന്ന് മലയാളികള്
കോഴിക്കോട്: ഇറാനിലെ തബറിസില് 29 മുതല് ജൂലൈ ആറ് വരെ നടക്കുന്ന ഏഷ്യന് യൂത്ത് വോളിബോള് ചാമ്പ്യന്ഷിപ്പിനുള്ള ഇന്ത്യന് ടീമിലേക്ക് മൂന്ന് മലയാളികള് തെരഞ്ഞെടുക്കപ്പെട്ടു. കോഴിക്കോട് സായ് കേന്ദ്രത്തില് നിന്നും ആകാശ് എസ്. കുമാര്, ജോബിന് വര്ഗീസ്, തൃപ്രയാര് വോളി അക്കാഡമിയിലെ അഭിഷേക്. സി.കെ. എന്നിവരാണ് കേരളത്തില് നിന്നും തെരഞ്ഞെടുക്കപ്പെട്ടത്.
കണ്ണൂര് ജില്ലയിലെ പിലാത്തറ, നരിക്കാംവള്ളി സുരേഷ്കുമാറിന്റെയും ബിന്ദുമോളുടേയും മകനാണ് ആകാശ്. പത്തനംതിട്ട ജില്ലയില് അട്ടച്ചാക്കല് മരുതേത്ത് ബിനുവിന്റെയും സുനിയുടേയും മകനാണ് ജോബിന് വര്ഗീസ്. രണ്ടുപേരും കോഴിക്കോട് ഗവ. മോഡല് ഹയര്സെക്കന്ഡറി സ്കൂള് പ്ലസ്ടു വിദ്യാര്ഥികളാണ്. കോഴിക്കോട് ജില്ലയിലെ ഓര്ക്കാട്ടേരി കരിപ്പള്ളി ശശിയുടേയും ഷീനയുടേയും മകനായ അഭിഷേക് തൃശൂര് കഴിമ്പ്രം വി.പി.എം, എസ്എന്ഡിപി ഹയര്സെക്കന്ഡറി സ്കൂള് പ്ലസ്ടു വിദ്യാര്ഥിയാണ്. മുന് രാജ്യാന്തര താരം ടി.സി. ജ്യോതിഷാണ് ഇന്ത്യൻ ടീമിന്റെ മുഖ്യ പരിശീലകന്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!