മിച്ചല് സ്റ്റാര്ക്കില്ല; ഇന്ത്യക്കെതിരായ ട്വന്റി-20 പരമ്പരകുള്ള ഓസീസ് ടീമായി
Synopsis
ഇന്ത്യക്കും ദക്ഷിണാഫ്രിക്കക്കുമെതിരായ ട്വന്റി-20 പരമ്പരക്കുള്ള 13 അംഗ ഓസ്ട്രേലിയന് ടീമിനെ പ്രഖ്യാപിച്ചു. ആരോൺ ഫിഞ്ച് നായകന് ആയി തുടരും. അലക്സ് കാറേ വൈസ് ക്യാപ്റ്റനായ ടീമിൽ ഗ്ലെന് മാക്സ്വെല്, ക്രിസ് ലിന്, ഡാര്സി ഷോര്ട്ട് എന്നീ പ്രമുഖ ബാറ്റ്സ്മാന്മാരുമുണ്ട്.
മെല്ബണ്: ഇന്ത്യക്കും ദക്ഷിണാഫ്രിക്കക്കുമെതിരായ ട്വന്റി-20 പരമ്പരക്കുള്ള 13 അംഗ ഓസ്ട്രേലിയന് ടീമിനെ പ്രഖ്യാപിച്ചു. ആരോൺ ഫിഞ്ച് നായകന് ആയി തുടരും. അലക്സ് കാറേ വൈസ് ക്യാപ്റ്റനായ ടീമിൽ ഗ്ലെന് മാക്സ്വെല്, ക്രിസ് ലിന്, ഡാര്സി ഷോര്ട്ട് എന്നീ പ്രമുഖ ബാറ്റ്സ്മാന്മാരുമുണ്ട്.
ആഷ്ടൺ ആഗര്, ആദം സാംപ എന്നിവരാണ് സ്പിന്നര്മാര്. ഓള്റണ്ടര് മാര്ക്കസ് സ്റ്റോയിനിസ്, നഥാന് കൂള്ട്ടര് നൈല്, ബില്ലി സ്റ്റാന്ലേക്ക്, ആന്ഡ്രൂ ടൈ എന്നീ പേസര്മാരും ടീമില് ഇടംപിടിച്ചു.
ഇടംകൈയന് പേസ് ബൗളര് മിച്ചല് സ്റ്റാര്ക്ക്, ഓഫ് സ്പിന്നര് നേഥന് ലിയോണ് ഓള് റൗണ്ടര് മിച്ചല് മാര്ഷ് എന്നിവരുടെ അഭാവമാണ് ഏറ്റവും ശ്രദ്ധേയം. ഇന്ത്യക്കെതിരായ മൂന്ന് മത്സര പരമ്പരയിലെ ആദ്യ മത്സരം ഈ മാസം 21ന് ആരംഭിക്കും. ഈ മാസം 17നാണ് ദക്ഷിണാഫ്രിക്കക്കെതിരായ ഓസ്ട്രേലിയയുടെ ഏക ട്വന്റി-20 മത്സരം.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!