ഇംഗ്ലീഷ് പ്രീമിയർ ലീഗ്: മത്സരങ്ങള് തീപാറും; പ്രമുഖര് കളിക്കളത്തില്
Synopsis
നിലവിലെ ചാമ്പ്യൻമാരായ മാഞ്ചസ്റ്റർ സിറ്റിക്ക് വെസ്റ്റ് ഹാമാണ് എതിരാളി. മാഞ്ചസ്റ്റർ യുണൈറ്റഡ് ഹോം ഗ്രൗണ്ടിൽ ക്രിസ്റ്റൽ പാലസിനെ നേരിടും. ലിവർപൂളിന് വാറ്റ്ഫോർഡാണ് എതിരാളി...
ലണ്ടന്: ഇംഗ്ലീഷ് പ്രീമിയർ ലീഗിൽ പ്രമുഖ ടീമുകൾ ഇന്ന് പതിമൂന്നാം റൗണ്ട് മത്സരത്തിനിറങ്ങും. നിലവിലെ ചാമ്പ്യൻമാരായ മാഞ്ചസ്റ്റർ സിറ്റിക്ക്
വെസ്റ്റ് ഹാമാണ് എതിരാളി. രാത്രി എട്ടരയ്ക്ക് വെസ്റ്റ് ഹാമിന്റെ ഹോം ഗ്രൗണ്ടിലാണ് മത്സരം. 12 കളിയിൽ 32 പോയിന്റുമായി ലീഗിൽ ഒന്നാം സ്ഥാനത്ത് തുടരുകയാണ് പെപ് ഗാർഡിയോളയുടെ സിറ്റി. പരുക്കേറ്റ ബെഞ്ചമിൻ മെൻഡിയും ബെർണാർഡോ സിൽവയും ഇല്ലാതെയാവും സിറ്റി കളിക്കുക.
ലീഗിലെ എട്ടാം സ്ഥാനക്കാരായ മാഞ്ചസ്റ്റർ യുണൈറ്റഡ് ഹോം ഗ്രൗണ്ടിൽ ക്രിസ്റ്റൽ പാലസിനെ നേരിടും. റൊമേലു ലുക്കാകു, പോൾ പോഗ്ബ, മാർക്കസ് റഷ്ഫോര്ഡ്, ആന്തണി മാർഷ്യാൽ, അന്റോണിയ വലൻസിയ, മൗറേൻ ഫെല്ലിനി എന്നിവർ പരിക്കിൽ നിന്ന് മോചിതരായത് യുണൈറ്റഡിന് ആശ്വാസമാണ്.
ലിവർപൂളിന് വാറ്റ്ഫോർഡാണ് എതിരാളി. ലിവർപൂൾ രണ്ടും വാറ്റ്ഫോർഡ് ഏഴും സ്ഥാനത്താണ്. കാർഡിഫ് സിറ്റിയെ എവർട്ടനും ബ്രൈറ്റണെ ലെസ്റ്റർ സിറ്റിയും സതാംപ്ടണെ ഫുൾഹാമും നേരിടും. എല്ലാ കളികളും രാത്രി എട്ടരയ്ക്കാണ് തുടങ്ങുക. പതിനൊന്നിന് തുടങ്ങുന്ന കളിയിൽ ചെൽസി, ടോട്ടനവുമായി ഏറ്റുമുട്ടും. ചെൽസി മൂന്നും ടോട്ടനും നാലും സ്ഥാനത്താണ്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!