അഞ്ചാം ഏകദിനം; ഇന്ത്യക്കെതിരെ ദക്ഷിണാഫ്രിക്കയ്ക്ക് നിര്‍ണായക ടോസ്

പോര്‍ട്ട് എലിസബത്ത്: ഏകദിന പരമ്പരയിലെ അഞ്ചാം മത്സരത്തില്‍ ഇന്ത്യക്കെതിരെ ടോസ് നേടിയ ദക്ഷിണാഫ്രി ഫീല്‍ഡിംഗ് തെരഞ്ഞെുത്തു. മഴ പെയ്യുമെന്ന് പ്രവചനമുള്ളതിനാല്‍ രണ്ടാമത് ബാറ്റ് ചെയ്യുന്ന ടീമിന് അധിക ആനുകൂല്യം ലഭിക്കും. സ്പിന്നിനെ സഹായിക്കുമെന്ന് കരുതുന്ന പിച്ചില്‍ ഇന്ത്യ കഴിഞ്ഞ മത്സരം കളിച്ച ടീമില്‍ മാറ്റമന്നുമില്ലാതെയാണ് ഇറങ്ങുന്നത്.

നാലാം ഏകദിനം ജയിച്ച ടീമില്‍ ദക്ഷിണാഫ്രിക്ക ഒരു മാറ്റം വരുത്തി. പരിക്കേറ്റ ക്രിസ് മോറിസിന് പകരം തബ്രൈസ് ഷാംസി ടീമിലെത്തി. ആറ് മത്സര പരമ്പരയിലെ ആദ്യ മൂന്ന് മത്സരങ്ങളും ഇന്ത്യ ജയിച്ചപ്പോള്‍ നാലാം ഏകദിനം ജയിച്ചാണ് ദക്ഷിണാഫ്രിക്ക പരമ്പരപോകാതെ കാത്തത്. ഇന്ന് ജയിച്ചാല്‍ ദക്ഷിണാഫ്രിക്കയില്‍ ആദ്യമായി ഏകദിന പരമ്പര നേടുന്ന ഇന്ത്യന്‍ ടീമെന്ന ചരിത്ര നേട്ടം കോലിക്കും സംഘത്തിനും സ്വന്തമാവും,.