സെമി ലക്ഷ്യമിട്ട് മഞ്ഞപ്പട; വിനീതും പ്രശാന്തും ടീമില്
Synopsis
പൂനെ: ഐഎസ്എല്ലില് സെമി സാധ്യത നിലനിര്ത്താന് കേരള ബ്ലാസ്റ്റേഴ്സ് അല്പസമയത്തിനകം പൂനെ സിറ്റിക്കെതിരെയിറങ്ങും. പൂനെയിലെ ചത്രപതി സ്പോര്ട്സ് കോംപ്ലക്സിലാണ് മഞ്ഞപ്പടയുടെ നിര്ണായക മത്സരം. മലയാളി താരങ്ങളായ സികെ വിനീത്, പ്രശാന്ത് കെ എന്നിവര് പ്ലെയിംഗ് ഇലവനിലുണ്ട്. അതേസമയം കഴിഞ്ഞ മത്സരത്തില് തിളങ്ങിയ ദീപേന്ദ്രേ നേഗിയെ പകരക്കാരുടെ നിരയിലാണ് ബ്ലാസ്റ്റേഴ്സ് ഉള്പ്പെടുത്തിയത്.
ഇന്ത്യന് താരം സുഭാശിഷ് റോയിയാണ് മഞ്ഞപ്പടയുടെ ഗോള്വല കാക്കുക. മുന്നേറ്റനിരയില് സൂപ്പര്താരങ്ങളായ ഇയാന് ഹ്യൂം, കറേജ് പെക്കൂസണ് എന്നിവര് ബ്ലാസ്റ്റേഴ്സിനായി കളിക്കും. അതേസമയം ടീമില് തിരിച്ചെത്തിയ മുന്താരം വിക്ടര് പുള്ഗയെ പകരക്കാരുടെ നിരയില് പോലും ഉള്പ്പെടുത്തിയിട്ടില്ല. 12 കളിയില് 22 പോയിന്റുള്ള പൂനെ ലീഗില് മൂന്നും 13 കളിയില് 17 പോയിന്റുള്ള ബ്ലാസ്റ്റേഴ്സ് സീസണില് ഏഴും സ്ഥാനത്താണ്.
സെമിയിലെത്താന് ബ്ലാസ്റ്റേഴ്സിന് ഇന്നത്തെ മത്സരത്തില് ജയിച്ചേ മതിയാകൂ. പുനെയെ കൂടാതെ ബെംഗളുരു, ചെന്നൈയിന്, ജെംഷഡ്പൂര് ടീമുകളാണ് ആദ്യ നാല് സ്ഥാനങ്ങളിലുള്ളത്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!