മഞ്ഞപ്പടയ്ക്ക് ആശ്വാസ വാര്ത്ത; സൂപ്പര് താരം കളിച്ചേക്കും
Synopsis
കൊച്ചി: പ്ലേ ഓഫ് ഉറപ്പിക്കാന് ചെന്നൈയിന് എഫ്സിക്കെതിരെ ജീവന്മരണ പോരാട്ടത്തിനിറങ്ങുന്ന കേരള ബ്ലാസ്റ്റേഴ്സിന് ആശ്വാസ വാര്ത്ത. നോര്ത്ത് ഈസ്റ്റിനെതിരായ മത്സരത്തില് കളിക്കാതിരുന്ന യുവതാരം ലാല്റുവാത്താര ഇന്ന് കളിച്ചേക്കും. നോര്ത്ത് ഈസ്റ്റിനേക്കാള് കരുത്തരാണ് ചെന്നൈ എന്നത് ലാല്റുവാത്താരയുടെ പ്രാധാന്യം വര്ദ്ധിപ്പിക്കുന്നു. റാഫേല് അഗസ്റ്റോയും ഇന്ത്യന് താരം ജേജേയും ഉള്പ്പെടുന്ന ചെന്നൈയിന് ആക്രമണനിര ശക്തമാണ്.
അതിനാല് പ്രതിരോധത്തില് ലാല്റുവാത്താരയുടെ മടങ്ങിവരവ് ബ്ലാസ്റ്റേഴ്സിന് കൂടുതല് കരുത്തുപകരും. ഐഎസ്എല് നാലാം സീസണില് കൂടുതല് ടാക്കിളുകള് നടത്തിയ താരങ്ങളില് ഒരാളാണ് ലാല്റുവാത്താര. 520 പാസുകളും 40 ക്ലിയറന്സുകളും താരത്തിന്റെ കാലില് നിന്ന് പിറന്നു. 15 മത്സരങ്ങളില് മൂന്ന് ഷോട്ടുതിര്ത്ത താരം 25 ക്രോസുകളും നല്കി. നോര്ത്ത് ഈസ്റ്റിനെതിരെ ലാല്റുവാത്താരയ്ക്ക് പകരം മലയാളി താരം കെ. പ്രശാന്തായിരുന്നു കളിച്ചത്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!