യുവന്റസ് ചാംപ്യന്സ് ലീഗ് ഫൈനലില്
Synopsis
ടൂറിന്: യുവന്റസ് യുവേഫ ചാംപ്യന്സ് ലീഗ് ഫൈനലില്. സെമിഫൈനലിന്റെ ഇരുപാദങ്ങളിലുമായി മൊണോക്കൊയെ 4-1ന് തോല്പ്പിച്ചാണ്
യുവന്റസ് കലാശക്കളിക്ക് യോഗ്യത നേടിയത്. രണ്ടാം സെമിയില് ഇന്ന് റയല് മാഡ്രിഡ്, അത്ലറ്റികോയെ നേരിടും.
മൊണോക്കോയില് നിന്ന് ടൂറിനിലെത്തിയപ്പോഴും മത്സരഫലത്തില് മാറ്റമില്ല. ഡാനി ആല്വസ് ഒരിക്കല് കൂടി തീയായപ്പോള് അതില് മൊണോക്കോയുടെ ചാംപ്യന്സ് ലീഗ് ഫൈനല് മോഹങ്ങള് എരിഞ്ഞടങ്ങി. രണ്ട് ഗോളിന്റെ കടം വീട്ടാന് ആക്രമിച്ച് കളിക്കുന്ന മൊണോക്കോയേയാണ് ആദ്യ മുപ്പത് മിനിറ്റില് കണ്ടത്. എന്നാല് മുപ്പത്തിമൂന്നാം മിനിറ്റില് യുവന്റസ് ലീഡുയര്ത്തി. ഡാനി ആല്വസിന്റെ ക്രോസില് മാന്സുക്കിച്ചിന്റെ ഗോള്.
പതിനൊന്ന് മിനിറ്റ് പിന്നിട്ടപ്പോള് യുവന്റ്സ് രണ്ടാമതും പന്തിനെ വലതൊടിച്ചു. മൂന്ന് അസിസ്റ്റുകള്ക്ക് ശേഷം ഡാനി ആല്വസിന്റെ ഗോള്.
രണ്ടാം പകുതിയില് കിലെയന് ബാപ്പെ ഒരു ഗോള് മടക്കി. എന്നാല് പ്രീക്വാര്ട്ടറിലേതുപോലൊരു അവിശ്വസനീയ തിരിച്ചുവരവ് നടത്താന് ഫ്രഞ്ച് ടീമിനായില്ല. യുവന്റസാകട്ടെ മൂന്ന് വര്ഷത്തിനിടെ രണ്ടാം ഫൈനലിന് യോഗ്യതയും നേടി.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!