ഖേല്‍ രത്ന - അര്‍ജുന പുരസ്‌ക്കാരങ്ങള്‍ ഇന്ന്

കഴിഞ്ഞ വര്‍ഷത്തെ ഖേല്‍ രത്‌നഅര്‍ജുന പുരസ്‌കാര ജേതാക്കളെ ഇന്നറിയാം. മലയാളി താരങ്ങളായ ദീപിക പള്ളിക്കലും ടിന്റു ലൂക്കയും ഖേല്‍ രത്‌ന സാധ്യത പട്ടികയിലുണ്ട്. ബി സി സി ഐ ശുപാര്‍ശ ചെയ്ത ഇന്ത്യന്‍ ക്രിക്കറ്റ് ക്യാപ്റ്റന്‍ വിരാട് കൊഹ്‌ലിക്കാണ് ഖേല്‍രത്‌ന പുരസ്‌കാരത്തിന് സാധ്യതയേറെയുള്ളത്. ദീര്‍ഘദൂര ഓട്ടക്കാരി ഒ പി ജെയ്ഷ, കനോയിംഗ്കയാക്കിംഗ് താരം ബെറ്റി ജോസഫ് എന്നിവരാണ് അര്‍ജുന അവാര്‍ഡ് സാധ്യത പട്ടികയിലുള്ള മലയാളി താരങ്ങള്‍. ക്രിക്കറ്റ് താരം അജിന്‍ക്യ രഹാനെയും പട്ടികയിലുണ്ട്. റിട്ട ജസ്റ്റിസ് എസ് കെ അഗര്‍വാള്‍ അധ്യക്ഷനായ സമിതിയാണ് പുരസ്‌ക്കാര ജേതാക്കളെ തീരുമാനിക്കുക. ശുപാര്‍ശയുടെ അടിസ്ഥാനത്തില്‍ കേന്ദ്ര കായികമന്ത്രാലയം ജേതാക്കളെ പ്രഖ്യാപിക്കും.