പുതിയ പരിശീലകന്‍ സാന്‍റിയാഗോ സൊളാരിക്ക് കീഴില്‍ തുടര്‍ച്ചയായ നാല് ജയവുമായെത്തിയ റയല്‍, ഐബറിന് മുന്നില്‍ വീണു. സ്വന്തം കാണികള്‍ക്ക് മുന്നില്‍ എതിരില്ലാത്ത മൂന്ന് ഗോളിനാണ് ഐബര്‍ ജയിച്ചുകയറിയത്...
ഐബര്‍: ലാലിഗയില്‍ റയല്‍ മാഡ്രിഡിന് ഞെട്ടിക്കുന്ന തോല്‍വി. പുതിയ പരിശീലകന്‍ സാന്‍റിയാഗോ സൊളാരിക്ക് കീഴില്‍ തുടര്‍ച്ചയായ നാല് ജയവുമായെത്തിയ റയല്‍, ഐബറിന് മുന്നില്‍ വീണു. സ്വന്തം കാണികള്‍ക്ക് മുന്നില്‍ എതിരില്ലാത്ത മൂന്ന് ഗോളിനാണ് ഐബര്‍ ജയിച്ചുകയറിയത്.
ആദ്യ പകുതിയില്‍ 16-ാം മിനുറ്റില്‍ ഗോണ്‍സാലോയിലൂടെ ലീഡെടുത്ത ഐബറിനായി രണ്ടാം പകുതിയുടെ തുടക്കത്തില്‍ 52-ാം മിനുറ്റില്‍ എന്‍റിച്ചും അഞ്ച് മിനുറ്റുകളുടെ ഇടവേളയില്‍ കിക്കേയും വലകുലുക്കി. എന്നാല്‍ കൂടുതല്‍ സമയം പന്ത് കാല്‍ക്കല്‍ വെച്ചിട്ടും ആക്രമണത്തില്‍ പരാജയപ്പെട്ട് റയല്‍ തോല്‍വി വഴങ്ങുകയായിരുന്നു. 13 കളിയില്‍ 20 പോയിന്‍റുള്ള റയല്‍ ആറാമതും ഐബര്‍ 18 പോയിന്‍റുമായി ഏഴാമതുമാണ്.
FP: 3-0 (Escalante 16', Enrich 52', Kike García 57'). pic.twitter.com/MvK5Ms2lA8
— Real Madrid C.F.⚽ (@realmadrid)