ലാ ലിഗ: ലെവാന്റെയെ റയല് വീഴ്ത്തി; അത്ലറ്റിക്കോയ്ക്കും മുന്നേറ്റം
Synopsis
ലെവാന്റെയെ ഒന്നിനെതിരെ രണ്ട് ഗോളുകള്ക്കാണ് മാഡ്രിഡ് തോൽപ്പിച്ചത്.കരീം ബെൻസേമയും ഗാരത് ബെയ്ലുമാണ് റയലിനായി ഗോളുകള് നേടിയത്.
വലന്സിയ: സ്പാനിഷ് ലീഗ് ഫുട്ബോളില് റയൽ മാഡ്രിഡ് മുന്നേറ്റം. ലെവാന്റെയെ ഒന്നിനെതിരെ രണ്ട് ഗോളുകള്ക്കാണ് മാഡ്രിഡ് തോൽപ്പിച്ചത്. കരീം ബെൻസേമയും ഗാരത് ബെയ്ലുമാണ് റയലിനായി ഗോളുകള് നേടിയത്. 60-ാം മിനിറ്റിൽ റോജർ മാര്ട്ടിയുടെ വകയായിരുന്നു ലെവാന്റെയുടെ ആശ്വാസഗോൾ.
മറ്റൊരു മത്സരത്തിൽ അത്ലറ്റിക്കോ മാഡ്രിഡ്, വിയ്യാറയലിനെ തോൽപ്പിച്ചു. എതിരില്ലാത്ത രണ്ട് ഗോളുകള്ക്കായിരുന്നു അത്ലറ്റികോയുടെ ജയം. 31-ാം മിനിട്ടിൽ അൽവാരോ മൊറാട്ടയും എൺപത്തിയെട്ടാം മിനിട്ടിൽ സോളും നേടിയ ഗോളുകളാണ് അത്ലറ്റികോയെ ജയിപ്പിച്ചത്.
ജയത്തോടെ പോയിന്റ് പട്ടികയിൽ രണ്ടാം സ്ഥാനത്തുള്ള അത്ലറ്റികോ തലപ്പത്തുള്ള ബാഴ്സലോണയുമായുള്ള പോയിന്റ് വ്യത്യാസം ഏഴ് പോയിന്റായി കുറച്ചു. ഒന്നാം സ്ഥാനത്തുള്ള ബാഴ്സലോണയ്ക്ക് 57 പോയിന്റാണുള്ളത്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!