ലാലിഗയില് റയലിന് ആദ്യ പ്രഹരം; വലന്സിയക്കെതിരെ സമനില
Synopsis
മാഡ്രിഡ്: സ്പാനിഷ് ലീഗില് ക്രിസ്റ്റ്യാനോ റൊണാള്ഡോയില്ലാതെ കളിക്കാനിറങ്ങിയ റയല് മാഡ്രിഡിന് വലന്സിയയുടെ സമനില കുരുക്ക്. സീസണിലെ ആദ്യ ഹോം മാച്ചില് സ്പാനിഷ് വമ്പന്മാരായ റയല് സമനില വഴങ്ങി. വലന്സിയ- റയല് മാഡ്രിഡ് പോരാട്ടം ഇരു ഗോളുകളുകളുടെ സമനിലയില് അവസാനിച്ചു. റയലിനായി യുവതാരം മാര്ക്കോ അസെന്ഷ്യോ രണ്ട് ഗോള് നേടി.
പത്താം മിനിറ്റില് അസെന്ഷ്യോയിലൂടെ റയലാണ് ആദ്യം മുന്നിലെത്തിയത്. എന്നാല് പതിനെട്ടാം മിനിറ്റില് സോളറും 88-ാം മിനിറ്റില് കൊണ്ടോബിയയും വലന്സിയക്കായി വലകുലുക്കി. അവസാന നിമിഷം വരെ പൊരുതിക്കളിച്ച റയല് മാഡ്രിഡിന് 83-ാം മിനിറ്റില് അസല്ഷ്യേയുടെ തകര്പ്പന് ഗോളാണ് സമനില സമ്മാനിച്ചത്.
രണ്ട് മല്സരങ്ങളില് നിന്ന് ഒരു ജയവും ഒരു സമനിലയുമായി ലാലിഗയില് റയല് മാഡ്രിഡ് അഞ്ചാം സ്ഥാനത്താണ് . പരാജയപ്പെട്ടതില് ദു:ഖമുണ്ടെന്നും എന്നാല് റയല് താരങ്ങള് നന്നായി കളിച്ചെന്നും പരിശീലകന് സിനദീന് സിദാന് പറഞ്ഞു.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!