കളിക്കിടെ ഗ്രൗണ്ടില് ധോണിയുടെ മയക്കം; ആഘോഷമാക്കി ആരാധകര്
Synopsis
കൊളംബോ: ഇന്ത്യാ-ശ്രീലങ്ക ഏകദിന പരമ്പരയിലെ മൂന്നാം മത്സരത്തില് ആരാധകരെ അമ്പരപ്പിച്ച് മത്സരത്തിനിടെ ഗ്രൗണ്ടില് കിടന്ന് ധോണിയുടെ ചെറുമയക്കം. ഇന്ത്യ വിജയത്തിന് പടിവാതിലില് എത്തി നില്ക്കെ ലങ്കന് ആരാധകര് ഗ്യാലറിയില് നിന്ന് ഗ്രൗണ്ടിലേക്ക് കുപ്പിയേറ് തുടങ്ങുകയും കളി തടസപ്പെടുകയും ചെയ്തതടോയാണ് പുറത്തെ ബഹളങ്ങളൊന്നും ബാധിക്കാതെ ധോണി ഗ്രൗണ്ടില് കമിഴ്ന്നു കിടന്നത്.
ഇതുകണ്ട് കമന്ററി ബോക്സിലിരുന്ന സുനില് ഗവാസ്കര് പറഞ്ഞത് ധോണി ഐസ്ലന്ഡുകാരനാണെന്ന് തോന്നുന്നുവെന്നായിരുന്നു. ഇത്രയും കൂളായി ഇരിക്കാന് ഐസ്ലന്ഡുകാര്ക്കെ കഴിയൂ എന്നായിരുന്നു ഗവാസ്കര് ഉദ്ദേശിച്ചത്. കമന്ററി ബോക്സിലുണ്ടായിരുന്ന അജയ് ജഡേജയും മുരളി കാര്ത്തിക്കും ധോണിയെ വിശേഷിപ്പിച്ചത് എയര് കണ്ടീഷണറിനോടും റഫ്രിജേറ്ററിനോടുമാണ്. ക്യാപ്റ്റന് കൂള് എന്ന് ധോണിയെ പറഞ്ഞിരുന്നത് വെറുതയല്ലെന്നായിരുന്നു ഇരുവരുടെയും കമന്റ്.
എന്തായാലും ധോണിയുടെ ഉറക്കം സോഷ്യല് മീഡിയയും ആഘോഷമാക്കി. ട്വിറ്ററില് ധോണിയുടെ ഗ്രൗണ്ടിലെ മയക്കം ആഘോഷമാക്കുകയാണ് ആരാധകരിപ്പോള്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!