ടി20യില് മുംബൈക്കാരന് പയ്യന് ഇരട്ടസെഞ്ച്വറി
Synopsis
ബാറ്റ്സ്മാന്മാരുടെയും ബാറ്റിങ് റെക്കോര്ഡുകളുടെയും പറുദീസയാണ് മുംബൈ. അത് സച്ചിന്-കാംബ്ലി മുതല് തുടങ്ങിയതാണ്. ഇപ്പോഴിതാ, രുദ്ര ധന്ഡേ എന്ന പത്തൊമ്പതുകാരന് പയ്യനാണ് പുതിയ ചരിത്രം കുറിച്ചിരിക്കുന്നത്. മുംബൈ സര്വ്വകലാശാലയിലെ അന്തര്-കൊളീജിയേറ്റ് ടി20 ക്രിക്കറ്റ് ടൂര്ണമെന്റില് 67 പന്തില്നിന്നാണ് രുദ്ര ഇരട്ടസെഞ്ച്വറി നേടിയത്. കഴിഞ്ഞ സീസണില് മുംബൈ അണ്ടര്-19 ടീമിലേക്ക് പരിഗണിക്കാതെ സെലക്ടര്മാര് തഴഞ്ഞ കളിക്കാരനാണ് രുദ്ര. റിസ്വി കോളേജിനുവേണ്ടി പാഡുകെട്ടിയ രുദ്ര ധന്ഡേ പി ഡാല്മിയ കോളേജിനെതിരെയാണ് 200 റണ്സെടുത്തത്. 21 ബൗണ്ടറികളും 15 പടുകൂറ്റന് സിക്സറുകളും ഉള്പ്പെടുന്നതായിരുന്നു. 39 പന്തിലാണ് രുദ്ര സെഞ്ച്വറി തികച്ചത്. രുദ്രയുടെ ഇരട്ടസെഞ്ച്വറിയുടെ മികവില് റിസ്വി കോളേജ് 20 ഓവറില് രണ്ടു വിക്കറ്റ് നഷ്ടത്തില് 322 റണ്സാണ് അടിച്ചുകൂട്ടിയത്. മറുപടി ബാറ്റിംഗില് പി ഡാല്മിയ കോളേജിനെ 10.2 ഓവറില് 75 റണ്സിന് പുറത്താക്കി. 247 റണ്സിന്റെ വമ്പന് ജയമാണ് റിസ്വി കോളേജ് സ്വന്തമാക്കിയത്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!