റയലിന്റെ ആ സ്വപ്നവും പൊലിയുന്നു; കോര്ട്വയ്ക്ക് പകരക്കാരനില്ലെന്ന് ചെല്സി
Synopsis
റഷ്യന് ലോകകപ്പിലെ മികച്ച ഗോള്കീപ്പര്ക്കുള്ള പുരസ്കാരം കോര്ട്വായാണ് നേടിയത്
ബെൽജിയം ഗോള്കീപ്പര് കോര്ട്വായെ സ്വന്തമാക്കാനുള്ള , റയൽ മാഡ്രിഡ് നീക്കങ്ങള്ക്ക് വേഗം കുറയുന്നു. കോര്ട്വായെ കൈമാറാനുള്ള ധാരണ ചെൽസി മരവിപ്പിച്ചതായി ഇംഗ്ലണ്ടിലെ മാധ്യമങ്ങള് റിപ്പോര്ട്ട് ചെയ്തു.
കോര്ട്വായ്ക്ക് പകരക്കാരനെ കണ്ടെത്താന് ഇതുവരെ കഴിഞ്ഞില്ലെന്ന് ചെൽസി റയൽ പ്രതിനിധികളെ അറിയിച്ചെന്നാണ് സൂചന. റയൽ മാഡ്രിഡിലേക്ക് മാറാന് താത്പര്യം ഉണ്ടെന്ന് കോര്ട്വായും ചെൽസിയെ അറിയിച്ചിരുന്നു.
റഷ്യന് ലോകകപ്പിലെ മികച്ച ഗോള്കീപ്പര്ക്കുള്ള പുരസ്കാരം കോര്ട്വായാണ് നേടിയത്. അതിനിടെ ചെൽസി സ്വന്തമാക്കാന് ശ്രമിക്കുന്ന ഗോളി പിക്ക്ഫോര്ഡിന് , എവേര്ട്ടന് പുതിയ കരാര് വാഗ്ദാനം ചെയ്തതായി സൂചനയുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!