ആറാം മത്സരത്തില് ആദ്യ ജയം; സാന്റിയാഗോ സൊളാരിക്ക് റയല് ആരാധകരുടെ കയ്യടി
Synopsis
എൺപത്തിമൂന്നാം മിനിറ്റിൽ കൗമാരതാരം വിനീഷ്യസ് ജൂനിയറിന്റെ ഷോട്ട് കികെ ഒലിവാസിന്റെ കാലിൽ തട്ടി സെൽഫ് ഗോളാവുകയായിരുന്നു. കളിതീരാൻ രണ്ടു മിനിറ്റുള്ളപ്പോൾ ക്യാപ്റ്റൻ സെർജിയോ റാമോസ് റയലിന്റെ രണ്ടാം ഗോൾ നേടി
മാഡ്രിഡ്: സ്പാനിഷ് ലീഗ് ഫുട്ബോളിൽ റയൽ മാഡ്രിഡ് വിജയവഴിയിൽ തിരിച്ചെത്തി. താൽക്കാലിക കോച്ച് സാന്റിയാഗോ സൊളാരിയുടെ കീഴിൽ ആദ്യ ലീഗ് മത്സരത്തിനിറങ്ങിയ റയൽ എതിരില്ലാത്ത രണ്ട് ഗോളിന് റയൽ വയ്യാഡോളിഡിനെ തോൽപിച്ചു. കളിതീരാൻ ഏഴ് മിനിറ്റുള്ളപ്പോഴായിരുന്നു റയലിന്റെ രണ്ട് ഗോളും.
എൺപത്തിമൂന്നാം മിനിറ്റിൽ കൗമാരതാരം വിനീഷ്യസ് ജൂനിയറിന്റെ ഷോട്ട് കികെ ഒലിവാസിന്റെ കാലിൽ തട്ടി സെൽഫ് ഗോളാവുകയായിരുന്നു. കളിതീരാൻ രണ്ടു മിനിറ്റുള്ളപ്പോൾ ക്യാപ്റ്റൻ സെർജിയോ റാമോസ് റയലിന്റെ രണ്ടാം ഗോൾ നേടി.
സ്പാനിഷ് ലീഗിൽ ആറ് മത്സരത്തിനിടെ റയലിന്റെ ആദ്യ ജയമാണിത്. 11 കളിയിൽ 17 പോയിന്റുമായി ലീഗിൽ ആറാം സ്ഥാനത്താണിപ്പോൾ യൂറോപ്യൻ ചാമ്പ്യൻമാരായ റയൽ മാഡ്രിഡ്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!